பெட்ரோல் விலை ஏறிட்டு போகுது பிட்னஸ் சேலஞ்ச் கேக்குதா? மோடியை கலாய்த்த சேட்டன்ஸ்!

மோடியின் பிட்னஸ் சேலஞ்ச் விளையாட்டை வைத்து கேரளாவில் மக்கள் அவரை கிண்டல் செய்துள்ளனர்.

டெல்லி: பிரதமர் மோடியின் பிட்னஸ் சேலஞ்ச் விளையாட்டை வைத்து கேரளாவில் மக்களை அவரை கிண்டல் செய்துள்ளனர். பெட்ரோல் விலை நாளுக்கு நாள் உயர்ந்து கொண்டே இருக்கும் போது பிரதமர் மோடி இப்படி பொறுப்பில்லாமல் செயல்படுவதை கண்டித்து கேரளா மக்கள் அவரை வித்தியாசமாக கிண்டல் செய்துள்ளனர்.

ஃபிட் இந்தியா என்பது மோடி தொடங்கி வைத்த இயக்கம். மான் கீ பாத் நிகழ்ச்சிக்காக வானொலியில் பேசும்போது ஃபிட் இந்தியா குறித்தும் பேசினார் மோடி.இதற்கு அடுத்த இந்த ஃபிட் இந்தியா வைரல் ஆனது. மத்திய விளையாட்டுத்துறை அமைச்சர் ரத்தோர் ஃபி இந்தியா பற்றிய விழிப்புணர்வு வீடியோக்களை பகிருங்கள் என ட்விட்டரில் பதிவிட்டிருந்தார்.

இதற்கு பதில் தந்த கோஹ்லி, தாம் இந்த சேலஞ்ச்சை ஏற்பதாக கூறி உடற்பயிற்சி வீடியோவை வெளியிட்டார். மேலும் பிரதமர் மோடியும் இதை ஏற்க வேண்டும் என அவரது ட்விட்டர் கணக்குக்கு டேக் செய்தார்.இந்த சவாலை ஏற்கிறேன் என பிரதமர் மோடியும் பதிலளித்திருந்தார்.

மோடியின் இந்த செயல் எந்த அளவிற்கு வைரல் ஆனதோ அதைவிட அதிக அளவு பிரச்சனைகளை சந்தித்தது. முக்கியமாக நாளுக்கு நாள் பெட்ரோல் விலை அதிகமாகிக் கொண்டே இருக்கும் நிலையில் மோடி இப்படி நடந்து கொள்வது மக்களுக்கு கோபத்தை உண்டாக்கியது. முக்கியமாக தென்னிந்தியாவில் பாஜகவிற்கு சிம்ம சொப்பனமாக திகழும் கேரளாவில் மக்கள் இதற்கு வித்தியாசமாக எதிர்ப்பு தெரிவித்துள்ளனர்.

பெட்ரோல் விலை உயர்வு, பிட்னஸ் சேலஞ்ச் இரண்டையும் கண்டிக்கும் விதத்தில், மோடிக்கு எதிரான வாசகம் அடங்கிய பதாகைகளுடன் பெட்ரோல் பங்குகளில் போராடி இருக்கிறார்கள். நிறைய பெட்ரோல் பங்குகளில் மக்கள் ஒன்றாக கூடி இப்படி போராட்டம் நடத்தி இருக்கிறார்கள்.

அதோடு பிட்னஸ் சேலஞ்சை கிண்டல் செய்யும் விதமாக, பெட்ரோல் பங்கில் உடற்பயிற்சி செய்து உள்ளனர். மோடிக்கு எதிராக கோஷம் எழுப்பியபடியே அவர்கள் உடற்பயிற்சி செய்து போராட்டம் செய்துள்ளனர். இந்த புகைப்படங்கள் இணையத்தில் வைரலாகி உள்ளது.

English summary

Mallu's new version of protest trolls Modi's fitness challenge and Petrol price hike in one stone. Malayalis protest outside petrol store to condemns petrol price hike and fitness challenge.