ஜோதிடர் சொன்னதால் வீடு மாறும் மமதா பானர்ஜி?

கொல்கத்தா: ஜோதிடரின் அறிவுரையின்பேரில் மேற்கு வங்க முதல்வர் மமதா பானர்ஜி தெற்கு கொல்கத்தாவில் இருக்கும் வீட்டில் இருந்து அலிபூருக்கு மாறவிருக்கிறாராம்.

மேற்கு வங்க முதல்வர் மமதா பானர்ஜி தெற்கு கொல்கத்தாவில் இருக்கும் காலிகாட் கோவிலுக்கு அருகில் உள்ள ஹரிஷ் சாட்டர்ஜி தெரிவில் வசித்து வருகிறார். அவர் இருக்கும் வீட்டில் தான் அவரது சகோதரர்களின் குடும்பத்தாரும் தங்கியுள்ளனர். பிறந்ததில் இருந்து அவர் இந்த வீட்டில் தான் வசித்து வருகிறார்.

இந்நிலையில் மமதா தனது அலுவலகம் மற்றும் வீட்டை ஹூக்ளி ஆற்றின் வடக்கு பகுதியில் மாற்றுவது நல்லது என்று ஜோதிடர் ஒருவர் அறிவுரை கூறினாராம். இதையடுத்து அவர் ஹவ்ராவில் உள்ள மந்திர்தலாவுக்கு தனது அலுவலகத்தை மாற்றிவிட்டார்.

தற்போதுள்ள வீட்டில் இருந்து அலிபூரில் உள்ள 8 முதல் 10 அறைகள் கொண்ட கட்டிடத்திற்கு மாற திட்டமிட்டுள்ளாராம். 2 ஏக்கரில் அலிபூரில் அமைந்துள்ள அந்த பாரம்பரிய கட்டிடத்தில் தற்போது கொல்கத்தா மாநகராட்சியின் கிளை அலுவலகம் செயல்பட்டு வருகிறது. அந்த அலுவலகத்தை வேறு இடத்திற்கு மாற்றிவிட்டு அங்கு குடியேற திட்டமிட்டுள்ளாராம் மமதா.

English summary

West Bengal CM Mamata Banerjee will move out of her Kalighat home in south Kolkata to a palatial building in posh Alipore area after an astrologer advised her to do so.