நாடே எதிர்க்கும் 'மேகி'க்கு மமதா மட்டும் 'சப்போர்ட்'- சர்ச்சைக்குரிய ரசாயனம் எதுவும் இல்லையாம்!!

கொல்கத்தா: நாட்டின் பல மாநிலங்கள் தடை விதித்துள்ள மேகி நூடுல்சில் எந்த ஒரு சர்ச்சைக்குரிய ரசாயனமும் இல்லை என்று மேற்கு வங்க முதல்வர் மமதா பானர்ஜி அதிரடியாக அறிவித்துள்ளார்.

நெஸ்லே நிறுவனத்தின் மேகி நூடுல்சில் அனுமதிக்கப்பட்ட அளவை விட பல மடங்கு ரசாயனப் பொருட்கள் கலந்திருப்பது கண்டுபிடிக்கப்பட்டது. இதனைத் தொடர்ந்து உத்தரப்பிரதேசம், டெல்லி, ஜார்க்கண்ட் தொடங்கி தமிழகம், புதுவை என பல மாநிலங்களில் மேகி நூடுல்ஸ் விற்பனைக்கு தடை விதிக்கப்பட்டுள்ளது.

No objectionable material found in Maggi noodles in West Bengal after laboratory test: Chief Minister Mamata Banerjee.

— Press Trust of India (@PTI_News) June 5, 2015

அதே நேரத்தில் தங்களது தயாரிப்பான மேகி நூடுல்சில் நச்சு பொருட்கள் எதுவும் இல்லை; பாதுகாப்பாகத்தான் இருக்கிறது என்று நெஸ்லே நிறுவனம் விளக்கம் அளித்துள்ளது.

இந்த நிலையில் மேகி நூடுல்சுக்கு ஆதரவாக மேற்கு வங்க முதல்வர் மமதா பானர்ஜி கருத்து தெரிவித்திருப்பது பரபரப்பை ஏற்படுத்தியுள்ளது. இது தொடர்பாக மமதா கூறுகையில், மேகி நூடுல்சின் மாதிரிகள் சோதனைக்குள்ளாக்கப்பட்டன. அதில் சர்ச்சைக்குரிய ரசாயனப் பொருட்கள் எதுவும் இல்லை என தெரியவந்துள்ளது எனக் கூறியுள்ளார்.

English summary

West Bengal Chief Minister Mamata Banerjee said that, No objectionable material found in Maggi noodles in West Bengal after laboratory test.