மிஷல் அணிந்திருந்த பூப்போட்ட கவுனை வடிவமைத்தவர் யார் தெரியுமா?

டெல்லி: டெல்லி வந்தபோது அமெரிக்க அதிபர் பாரக் ஒபாமாவின் மனைவி மிஷல் இந்திய ஆடை வடிவமைப்பாளர் வடிவமைத்த உடையை அணிந்திருந்தார்.

அமெரிக்க அதிபர் பாரக் ஒபாமா 3 நாட்கள் சுற்றுப்பயணமாக இன்று காலை டெல்லி வந்திறங்கினார். அவருடன் அவரது மனைவி மிஷலும் வந்துள்ளார். ஒபாமா வழக்கம்போல கோட், சூட் அணிந்து வந்திருந்தார்.

மிஷல் ஒபாமா இந்திய ஆடை வடிவமைப்பாளரான பிபு மொஹாபத்ரா வடிவமைத்த பூப்போட்ட ஆடையை அணிந்து வந்தார். ஒடிஷா மாநிலம் ரூர்கிலாவைச் சேர்ந்த பிபு நியூயார்க்கில் செட்டிலாகிவிட்டார். பிபு பாலிவுட் நடிகைகள் கரீனா கபூர், சோனம் கபூர் ஆகியோருக்கும் ஆடை வடிவமைத்துள்ளார்.

கடந்த 2010ம் ஆண்டு மிஷல் இந்தியா வந்தபோது அரசு அளித்த விருந்துக்கு அமெரிக்க வாழ் இந்திய வடிவமைப்பாளர்கள் வடிவமைத்த ஆடையை தான் அணிந்திருந்தார். டிசைனர் ஆடைகள் அணிய பெயர்போனவர் மிஷல்.

மிஷலுக்கு பூப்போட்ட ஆடைகள் என்றால் மிகவும் பிடிக்கும். அதனால் அவர் தாய்லாந்தைச் சேர்ந்த ஆடை வடிவமைப்பாளர் தாகூன், வடிவமைப்பாளர்கள் ட்ரேசி ஃபெய்த், ட்ரேசி ரீஸ் ஆகியோர் வடிவமைத்த ஆடைகளை அடிக்கடி அணிந்து வருகிறார்.

மிஷலுக்கு பிடித்த ஆடை வடிவமைப்பாளர் என்றால் அது ட்ரேஸி ரீஸ் தான்.

English summary

Michelle Obama wore a dress designed by Indian designer Bipu Mohapatra while she landed in Delhi with her husband.