மோடியின் ஜப்பான் பயணத்தால் தெற்காசியாவில் புதிய சகாப்தம்: சர்வதேச ஊடகங்கள்

டெல்லி: பிரதமர் நரேந்திர மோடியின் ஜப்பான் பயனத்தின் மூலமாக தெற்காசியாவில் புதிய சகாப்தம் உருவாகியிருப்பதாக சர்வதேச ஊடகங்கள் பாராட்டியுள்ளன.

பிரதமர் நரேந்திர மோடி 5 நாள் பயணமாக ஜப்பானுக்கு சென்றிருந்தார். அந்நாட்டுடன் பல்வேறு துறை ஓப்பந்தங்களும் கையெழுத்திடப்பட்டுள்ளன.

2-ம் உலகப் போருக்கு பின்னர் முதல் முறையாக இந்தியாவுக்கு ராணுவ தளவாடங்களை வழங்குவதற்கும் ஜப்பான் முன்வந்துள்ளது.

இந்த பயணம் பற்றி டெய்லி மெய்ல் ஊடகம் எழுதியிருப்பதாவது:

• தென்னாசியப் பிராந்தியத்தில் சர்வதேச உறவுகளில் ஒரு புதிய சகாப்தம் தொடங்கியுள்ளது.
• இருநாடுகளும் நீண்டகாலம் எதிர்கொண்டிருக்கும் சவால்களையும் பிராந்திய பாதுகாப்பையும் இருநாடுகளும் இணைந்து எதிர்கொள்வதற்கான சூழ்நிலை உருவாகியுள்ளது

ப்ளூம்பெர்க் ஊடகம் எழுதியுள்ளதாவது:

• குஜராத் கலவரத்துக்குப் பின்னர் அமெரிக்கா, மோடிக்கு விசா வழங்க மறுத்துவந்தது.
• இங்கிலாந்தும் கூட குஜராத் முதல்வராக இருந்த மோடியை சந்திக்காமல் இருந்து வந்தது.
• தற்போது மோடியின் ஜப்பான் பயணம் என்பது 'கிழக்குநாடுகளை' நோக்கிய நட்புக்கரமாக கருதப்படுகிறது.

குவார்ட்ஸ் ஊடகத்தில் எழுதியிருப்பதாவது:

• சீனாஜப்பான் இடையேயான உறவு சீர்குலைந்த நிலையில் இந்தியாவுடனான நல்லுறவு ஜப்பானுக்கு சாதகமானது.
• இருப்பினும் புவிசார் அரசியல் நலன்கள் என்பது மோடியின் பயணத்தின் நோக்கமாக இல்லை
• புவிசார் வர்த்தகம் மற்றும் முதலீடு என்பதுதான் மோடியின் பயணத்தின் இலக்காக இருந்தது.

வால்ஸ்ட்ரீட் ஜேர்னல்:

• இந்தியாவை பொருளாதாரத்தில் வலுவாக கட்டமைக்க வேண்டிய நெருக்கடியில் இருக்கும் மோடி வலுவான நல்லுறவை ஜப்பான் பிரதமருடன் ஏற்படுத்திக் கொண்டிருக்கிறார்.
• மோடியின் 5 நாள் பயணத்தின் மூலமாக ஜப்பான் முதலீடுகளை இந்தியா ஈர்த்துள்ளது.

English summary

Prime Minister Narendra Modi concluded his five-day Japan visit and headed back home today. Here is what foreign media said about the trip.