எம்பி, எம்எல்ஏக்களுடன் வீடியோ கான்பரன்ஸ் மூலம் நாளை பேசுகிறார் பிரதமர் மோடி

பாஜ எம்பி மற்றும் எம்எல்ஏக்களுடன் பிரதமர் மோடி நாளை பேசுகிறார்

டெல்லி: பாஜகவைச் சேர்ந்த எம்பிக்கள் மற்றும் எம்எல்ஏக்களுடன் நாளை வீடியோ கான்பரன்ஸ் மூலம் கலந்துரையாடுகிறார் பிரதமர் நரேந்திர மோடி.

பாஜகவைச் சேர்ந்த பிரதமர் நரேந்திர மோடி, பல்வேறு சமூகதளங்களை அதிக அளவில் பயன்படுத்துகிறார். டுவிட்டர், பேஸ்புக்கில் அதிகமானோர் அவரை பின்தொடர்கின்றனர்.

கட்சியின் மூத்த தலைவர்கள், மாநில தலைவர்களுடனும், அவர் அடிக்கடி மின்னணு தகவல் முறைகள் மூலம் தொடர்பு கொண்டு வருகிறார்.

பாஜவுக்கு லோக்சபாவில் 274 எம்பிக்கள், ராஜ்யசபாவில் 68 எம்பிக்கள் மற்றும் நாடு முழுவதும், 1455 எம்எல்ஏக்கள் உள்ளனர்.

இந்த எம்பிக்கள் மற்றும் எம்எல்ஏக்களுடன் நாளை காலை 11 மணிக்கு நரேந்திர மோடி ஆப் மூலம் வீடியோ கான்பரஸ் முறையில் அவர் கலந்துரையாட உள்ளார். இதை பாஜக தெரிவித்துள்ளது.

கர்நாடகாவில் சட்டசபை தேர்தல் உள்பட பல அரசியல் பிரச்னைகள் உள்ள நிலையில், இந்த சந்திப்பு முக்கியத்துவம் பெறுகிறது.

English summary

prime minister modi to interact with bjp mps and mlas.