கோவா முதல்வர் பாரிக்கர் உடல்நல பாதிப்பு குறித்து தொடரும் 'மர்மம்' - பிரதமர் மோடி சந்தித்தார்

கோவா முதல்வர் பாரிக்கர் உடல்நல பாதிப்பு குறித்து மர்மம் நீடிக்கிறது.

மும்பை: உடல்நலம் பாதிக்கப்பட்டு மும்பை மருத்துவமனையில் சிகிச்சை பெற்று வரும் கோவா முதல்வர் மனோகர் பாரிக்கரை பிரதமர் மோடி நேற்று சந்தித்து நலம் விசாரித்தார்.

மனோகர் பாரிக்கர் மும்பையில் கணைய புற்றுநோய்க்கு சிகிச்சை பெற்று வருவதாக தகவல்கள் வெளியாகின. ஆனால் அவருக்கு சிகிச்சை அளித்து வரும் லீலாவதி மருத்துவமனை இதனை மறுத்தது.

அதேநேரத்தில் மனோகர் பாரிக்கருக்கு எதற்காக உடல்நலம் பாதிக்கப்பட்டது? அவருக்கு எதற்காக சிகிச்சை அளிக்கப்பட்டு வருகிறது என்கிற விவரங்களை மருத்துவமனை நிர்வாகம் வெளியிடவில்லை. இதனால் மனோகர் பாரிக்கர் உடல்நல பாதிப்பு தொடர்பான மர்மம் தொடர்ந்து வருகிறது.

இந்நிலையில் பிரதமர் நரேந்திர மோடி நேற்று மனோகர் பாரிக்கரை சந்தித்து நலம் விசாரித்தார்.

English summary

Amid rumours that Manohar Parrikar is suffering from a major ailment, Prime Minister Narendra Modi on Sunday met Goa Chief Minister at Mumbai's Lilavati Hospital.