திருமணம் செய்ததை எப்பவுமே மறுக்கலையே.. இது மோடி தரப்பு விளக்கம்!
அகமதாபாத்: பாரதிய ஜனதா கட்சியின் பிரதமர் வேட்பாளர் நரேந்திர மோடி தாம் திருமணமானவர் என முதல் முறையாக ஒப்புக் கொண்டதாலேயே அவர் திருமணம் செய்ததை மறைத்துவிட்டதாக சொல்ல முடியாகிறது என்கின்றனர் அவரது ஆதரவாளர்கள்.
பாரதிய ஜனதா கட்சியின் பிரதமர் வேட்பாளரான நரேந்திர மோடி, குஜராத்தின் வதோதரா தொகுதியில் நேற்று வேட்புமனுத் தாக்கல் செய்தார். அதில் தமக்கு திருமணம் ஆகிவிட்டது என்றும் மனைவி பெயர் ஜஷோட பென் என்றும் அவர் ஓய்வு பெற்ற ஆசிரியை எனவும் தெரிவித்துள்ளார்.
ஆனால் குஜராத் மாநில சட்டசபை தேர்தலில் வேட்புமனுக்களைத் தாக்கல் செய்த போதெல்லாம் படிவங்களில் திருமணமானவரா என்ற இடத்தில் எதுவும் குறிப்பிடாமலேயே இருந்து வந்தார் மோடி. இந்நிலையில் அவர் திருமணமாகிவிட்டது என்று ஒப்புக் கொண்டதும் விமர்சனங்களை உருவாக்கி இருக்கிறது.
ஆனால் மோடியின் ஆதரவாளர்களோ, மோடி தமக்கு திருமணமே நடக்கவில்லை என்று எப்போதும் அவர் மறைத்தது இல்லை. அத்துடன் எந்த ஒரு நபரதும் தனிப்பட்ட வாழ்க்கையை பொதுவெளியில் வைத்தும் விமர்சிக்கக் கூடாது என்கின்றனர் மோடியின் ஆதரவாளர்கள்.
அதுசரி, மற்ற கட்சி தலைவர்கள் இப்படி செய்திருந்தால் இவர்கள் இந்நேரம் என்னென்ன செய்திருப்பார்கள்...?
Click it and Unblock the Notifications
Sign in with Google