பிரதமர் மோடி அமைச்சரவையில் ஒரு 'எஸ்.பி.பி.' பாபுல் சுப்ரியோ
Subscribe to Oneindia Tamil
டெல்லி: மோடி அமைச்சரவையில் முதல் முறையாக பின்னணி பாடகர் ஒருவர் இடம்பெற்றுள்ளார்.
பிரதமர் நரேந்திர மோடி இன்று தனது அமைச்சரவையை விரிவாக்கம் செய்தார். இதில் மேற்கு வங்க மாநிலத்தைச் சேர்ந்த பாஜக எம்.பி.யும், பாடகருமான பாபுல் சுப்ரியோ இணை அமைச்சராக பதவியேற்றுக் கொண்டார். மேற்கு வங்க மாநிலத்தில் உள்ள அசன்சோல் தொகுதியில் போட்டியிட்டு அதிக வாக்குகள் வித்தியாசத்தில் வெற்றி பெற்றவர் பாபுல்.
இந்த ஆண்டு தான் அவர் முதல்முறையாக தேர்தலில் போட்டியிட்டார். மேற்கு வங்கத்தில் இரண்டு பாஜக எம்.பி.க்கள் தான் உள்ளனர். அதில் ஒருவர் பாபுல், மற்றொருவர் எஸ்.எஸ். அலுவாலியா(டார்ஜிலிங்).
44 வயதாகும் பாபுல் இறைவனின் பெயரால் பதவியேற்றுக் கொண்டார். அவருக்கு குடியரசுத் தலைவர் பிரணாப் முகர்ஜி பதவிப் பிரமாணமும், ரகசியக் காப்புப் பிரமாணமும் செய்து வைத்தார்.
Click it and Unblock the Notifications
Sign in with Google