சோனியா காந்திக்கு பிரதமர் மோடி பிறந்தநாள் வாழ்த்து
டெல்லி: காங்கிரஸ் தலைவர் சோனியாகாந்திக்கு பிரதமர் நரேந்திரமோடி இன்று பிறந்த நாள் வாழ்த்து தெரிவித்துள்ளார்.
காங்கிரஸ் தலைவர் சோனியா காந்திக்கு இன்று 69 வது பிறந்த நாளாகும். இதையொட்டி பிரதமர் மோடி அவருக்கு பிறந்த நாள் வாழ்த்து தெரிவித்துள்ளார். இது குறித்து தனது டிவிட்டர் பக்கத்தில் மோடி வெளியிட்டுள்ள வாழ்த்துச் செய்தியில் கூறியிருப்பதாவது:
இன்று பிறந்த நாள் காணும் காங்கிரஸ் தலைவர் சோனியா காந்தியின் பிறந்த நாளை முன்னிட்டு அவருக்கு வாழ்த்துக்களை தெரிவித்துக்கொள்கிறேன். அவரது வாழ்வில் எல்லா வளமும் பெற்று நீண்ட நாள் நல்ல ஆயுளுடனும் ஆரோக்கியத்துடனும் வாழ எல்லாம் வல்ல இறைவனிடம் வேண்டிக்கொள்கிறேன் என்று அவர் தெரிவித்துள்ளார்.
அதேபோல, காங்கிரஸ் செய்தி தொடர்பாளர் ரந்தீப் சுர்ஜிவாலாவும் சோனியா காந்திக்கு வாழ்த்து தெரிவித்துள்ளார். அவர் தனது டிவிட்டர் பக்கத்தில், எப்போதும் நம்மை உற்சாகமாக வழி நடத்திச் செல்லும், இரக்கமனப்பான்மை நிறைந்த சோனியாகாந்திக்கு தனது இதயம் கனிந்த வாழ்த்துக்கள் என கூறியுள்ளார்.
On her birthday, greetings to Congress President Smt. Sonia Gandhi. May Almighty bless her with long life & good health.
— Narendra Modi (@narendramodi) December 9, 2015
நேஷனல் ஹெரால்டு பத்திரிக்கையின் சொத்துக்களை அபகரித்ததாக தொடரப்பட்ட வழக்கில் சோனியா, மற்றும் ராகுல் காந்திக்கு டெல்லி நீதிமன்றம் நேரில் ஆஜராகும்படி சம்மன் அனுப்பியது. அரசியல் பழிவாங்கும் நடவடிக்கையில், மோடி தலைமையிலான மத்திய அரசு ஈடுபடுவதாக காங்கிரஸ் குற்றம் சாட்டியிருந்த நிலையில், மோடி வாழ்த்து தெரிவித்துள்ளது குறிப்பிடத்தக்கது.