87வது பிறந்தநாள் கொண்டாடும் அத்வானியை நேரில் வாழ்த்திய மோடி

டெல்லி: இன்று தனது 87 வது பிறந்தநாளைக் கொண்டாடும் அத்வானியை நேரில் சந்தித்து தனது பிறந்தநாள் வாழ்த்துக்களைத் தெரிவித்துள்ளார் நரேந்திர மோடி.

பாரதிய ஜனதா கட்சியின் மூத்த தலைவர்களுள் ஒருவரான எல்.கே.அத்வானியின் 87வது பிறந்தநாள் இன்று. அதையொட்டி அக்கட்சியின் பிரதமர் வேட்பாளரும், தற்போதைய குஜராத் முதல்வருமான நரேந்திர மோடி டெல்லியில் உள்ள அத்வானி இல்லத்தில் அவரைச் சந்தித்து பூங்கொத்து கொடுத்து பிறந்தநாள் வாழ்த்துக்களைத் தெரிவித்தார்.

மோடி பிரதம வேட்பாளராக தேர்வு செய்யப் பட்டதற்கு ஆரம்பத்தில் எதிர்ப்புக் குரல் கொடுத்து, கட்சியில் இருந்து விலகும் அளவிற்கு போராடியவர் அத்வானி. ஆனால், சமீபகாலமாக பாரதீய ஜனதா பொதுக் கூட்டங்களில் மோடியை அத்வானி புகழ்ந்து வருவது குறிப்பிடத்தகக்து.

English summary

Gujarat Chief Minister and BJP's Prime Ministerial candidate Narendra Modi wished party veteran LK Advani on Friday on his birthday.