92 வயதைத் தொட்ட வாஜ்பாய்.. மோடி நேரில் சென்று வாழ்த்து
முன்னாள் பிரதமர் அடல் பிகாரி வாஜ்பாய் 92வது பிறந்த நாளான இன்று பிரதமர் மோடி நேரில் சென்று வாழ்த்து தெரிவித்தார்.
டெல்லி: முன்னாள் பிரதமர் வாஜ்பாயின் 92வது பிறந்த நாளையொட்டி, அவரது வீட்டிற்கு நேரில் சென்று பிரதமர் நரேந்திர மோடி பிறந்தநாள் வாழ்த்து தெரிவித்தார்.
பாஜகவின் மூத்த தலைவர்களில் ஒருவராக இருப்பவர் அடல் பிகாரி வாஜ்பாய். இவருக்கு இன்று 92வது பிறந்த நாள். வயது மூப்பின் காரணமாகவும் உடல் நலக்குறைவின் காரணமாகவும் அரசியல் நடவடிக்கைகளில் இருந்து சற்று ஓய்வெடுத்து வருகிறார். அவரது 92வது பிறந்த நாள் இன்று கொண்டாடப்படுகிறது. அவருக்கு பிரதமர் மோடி இன்று காலை தனது டுவிட்டர் பக்கத்தில் வாழ்த்துக்களைத் தெரிவித்தார்.
மேலும், இன்று மான் கி பாத் என்ற வானொலி நிகழ்ச்சியில் பேசிய போது, வாஜ்பாய்க்கு மோடி வாழ்த்து தெரிவித்ததோடு, நாட்டின் வளர்ச்சிக்கு வாஜ்பாய் ஆற்றியத் தொண்டினை யாரும் மறைக்க முடியாது என்று கூறினார்.
இதனையத்து, டெல்லியில் உள்ள முன்னாள் பிரதமர் வாஜ்பாய் வீட்டிற்கு சென்று பிரதமர் மோடி அவருக்கு வாழ்த்துக்களை தெரிவித்தார். அவருடன் பாஜக தலைவர் அமித் ஷாவும் சென்றார். பாஜக சார்பில் வாஜ்பாய் பிறந்த தினத்தை 'நல்லாட்சி தினமாக' நாடு முழுவதும் உள்ள அக்கட்சி அலுவலகங்களில் கொண்டாடப்படுகிறது.