தேர்தல் பறக்கும் படையினர் சோதனை - 5 மாநிலங்களில் இதுவரை ரூ.32 லட்சம் பறிமுதல்

டெல்லி: தேர்தலை ஒட்டி இதுவரையில் நடத்தப்பட்டுள்ள வாகன சோதனையில் 5மாநிலங்களிலும் கிட்டதட்ட ரூபாய் 31 கோடி சிக்கியுள்ளதாக

தமிழ்நாடு, மேற்கு வங்காளம், அசாம், கேரளா மற்றும் பாண்டிச்சேரி ஆகிய 5 மாநிலங்களில் சட்டசபை தேர்தல் ஏப்ரல் 4 முதல் மே 16 வரை நடைபெறும் என தேர்தல் கமிஷன் கடந்த 4 ஆம் தேதி அறிவித்தது.

தேர்தல் அறிவிக்கப்பட்ட 5 மாநிலங்களிலும் வாக்காளர்களுக்கு அரசியல் கட்சிகள் பணம் கொடுத்து சட்டவிரோதமாக வாக்குகளை பெறுவதை கட்டுப்படுத்தவும் கருப்பு பண நடமாட்டத்தை கண்காணிக்கவும் மத்திய நிதி அமைச்சகத்தில் உள்ள பல்வேறு அமைப்புகள் மூலம் தேர்தல் அறிவிக்கப்பட்ட நாள் முதல் 5 மாநிலங்களிலும் பறக்கும் படையை தேர்தல் கமிஷன் அமைத்து, அதனை தடுக்கும் நடவடிக்கையில் ஈடுபட்டு வருகிறது.

பறக்கும் படையினரின் அதிரடி சோதனையில் 5 மாநிலங்களில் இதுவரை ரூ.31 கோடியே 83 லட்சத்தை பறக்கும் படை அதிகாரிகள் பறிமுதல் செய்து உள்ளனர். இதில் அதிகபட்சமாக தமிழகத்தில் ரூபாய் 15 கோடியே 19 லட்சம் சிக்கி உள்ளது. அதற்கு அடுத்தபடியாக மேற்கு வங்காள மாநிலத்தில் ரூபாய் 5 கோடியே 64 லட்சம் பறிமுதல் செய்யப்பட்டுள்ளது.

அசாமில் ரூபாய் 5 கோடியே 43 லட்சமும், கேரளாவில் ரூபாய் 5 கோடியே 27 லட்சமும், யூனியன் பிரதேசமான புதுச்சேரியில் ரூபாய் 30 லட்சமும் மொத்தம் ரூபாய் 31 கோடியே 83 லட்சத்தை பறக்கும் படை அதிகாரிகள் பறிமுதல் செய்து உள்ளனர்.

English summary

More than Rs.31 lakhs confiscated in 5 states, which are having Election.