கோஹ்லியை முந்தினார் டோணி.. எதுல தெரியுமா...??
டெல்லி: கேப்டன் டோணி, துணை கேப்டன் விராத் கோஹ்லியை முந்தியுள்ளார். அதாவது ரொம்ப காஸ்ட்லியான விளம்பர வீரர் என்ற வரிசையில்.
புதிதாக ஒரு விளம்பரத்தில் தற்போது டோணி புக் ஆகியுள்ளார். இதற்கு அவருக்கு பேசப்பட்டுள்ள கட்டணம் ரூ. 13 கோடியாம். இது ஆண்டுக் கட்டணம் ஆகும்.
மேலும் கடந்த 6 மாதங்களில் டோணியின் பிராண்ட் வேல்யூவும் 60 சதவீதம் உயர்ந்துள்ளதாம்.
ஆமிர்தான் நம்பர் ஒன்
இப்போதைக்கு ஒரு தனி விளம்பரத்துக்கு அதிக கட்டணம் வாங்குவது நடிகர் ஆமிர்கான்தான். அவர் ரூ. 15 கோடி வசூலிக்கிறார்.
கோஹ்லியை முந்தினார்
கோஹ்லி கடந்த ஆண்டு அடிடாஸ் நிறுவனத்திற்காக ஆண்டுக்கு ரூ. 10 கோடிக்கு புக் ஆனார். தற்போது அவரை முந்தி விட்டார் டோணி.
8 புதிய விளம்பரங்கள்
டோணி தற்போது 6 முதல் 8 புதிய விளம்பரங்களில் புக் ஆகியுள்ளாராம். எனவே இவருக்கு பெரும் வருமானம் குவியும் வாய்ப்புள்ளது.
பேட்டரி முதல் பெப்சி வரை 21
தற்போது எக்ஸைட் பேட்டரி, ஏர்செல், ரீபக், பெப்சி என மொத்தம் 21 பிராண்டுகளின் விளம்பரங்களில் கலந்து கொண்டு வருகிறார் டோணி.