பிரதமர் வேட்பாளராக அறிவிக்கப்பட்ட பின் அத்வானியை சந்தித்தார் மோடி!

டெல்லி: பாரதிய ஜனதா கட்சியின் பிரதமர் வேட்பாளராக அறிவிக்கப்பட்ட குஜராத் முதல்வர் நரேந்திர மோடி, அக்கட்சியின் மூத்த தலைவர் எல்.கே. அத்வானியை சந்தித்து வாழ்த்து பெற்றார்.

நரேந்திரமோடியை பிரதமர் வேட்பாளராக அறிவிப்பதற்கு தொடக்கத்தில் இருந்தே எதிர்ப்பு தெரிவித்து வந்தவர் அத்வானி. இதனாலேயே நேற்று நடைபெற்ற பாரதிய ஜனதா கட்சியின் நாடாளுமன்ற குழுக் கூட்டத்தைப் புறக்கணித்திருந்தார். அத்துடன் பாஜக தலைவர் ராஜ்நாத்சிங்குக்கும் தமது அதிருப்தியை வெளிப்படுத்தும் கடிதம் ஒன்றையும் அனுப்பி வைத்திருந்தார்.

இருப்பினும் கட்சியின் மூத்த தலைவர் அத்வானி என்பதால், தாம் பிரதமர் வேட்பாளராக அறிவிக்கப்பட்ட பின்பு அத்வானியை நேரில் சந்தித்து வாழ்த்துப் பெற்றார் மோடி .

நரேந்திரமோடியும், அவருடன் சென்ற பாரதிய ஜனதாவின் மூத்த தலைவர்களும் 30 நிமிடங்கள் அத்வானி வீட்டில் இருந்தனர். பின்னர் முன்னாள் பிரதமர் வாஜ்பாயையும் நரேந்திரமோடி சந்தித்து வாழ்த்து பெற்றார்.

English summary

Narendra Modi, who was appointed the BJP’s PM candidate without Advani’s consent has reached the senior leader’s residence to seek his blessings. Advani was opposed to Modi as the prime ministerial candidate before the forthcoming Assembly elections in Madhya Pradesh, Chhattisgarh, Rajasthan and Delhi.