'எர்வாமேட்டின்' மாதிரி ஆயிப் போச்சு நம்ம பாஜக!

நாசிக்: நாசிக்கைச் சேர்ந்த பாஜகவைச் சேர்ந்த ஒரு சலூன் கடைக்காரர் விடுத்துள்ள ஆபர் அனைவரையும் கவர்ந்து இழுத்து வருகிறது.

இந்த சலூன் கடைக்காரரின் பெயர் ரகுநாத் கோர்டே. இவர் தனது கடைக்கு முன்பு ஒரு போஸ்டர் போட்டார். அதில், ஐந்து பேரை பாஜகவில் உறுப்பினராக சேர்த்தால் அவர்களுக்கு இலவசமாக முடி வெட்டி விடப்படும் என்று போட்டுள்ளார்.

கங்கப்பூர் நகா என்ற இடத்தில் இந்த கடை உள்ளது. கடையின் பெயர் நந்தா ஜென்ட்ஸ் பார்லர். இதுதவிர உறுப்பினர்கள் எண்ணிக்கை கூடக் கூட ஆபர்களும் அதிகரிக்கின்றன. அதாவது கட்டிங்குடன் இலவச பேசியல், ஹேர் டை உள்ளிட்ட சலுகைகளையும் அவர் அறிவித்துள்ளார்.

கடந்த 20 வருடமாக பாஜகவில் இருக்கிறாராம் ரகுநாத். இதுவரை இவரது பிரசாரத்திற்கு நல்ல பலன் கிடைத்துள்ளதாம். அதாவது 300 பேரை கட்சியில் சேர்த்துள்ளாராம்.

இவரிடம் முடி வெட்ட வருவோரும் கூட ஆட்களைப் பிடித்துக் கொடுத்து இலவசமாக வெட்டிக் கொண்டு செல்கிறார்களாம்.

எர்வாமேட்டின் மாதிரி ஆயிப் போச்சு நம்ம பாஜக!

English summary

Rajendra Raghunath Korde, a Nashik-based salon owner and a BJP member, recently put up an offer stating that he would give a free haircut to anyone who gets five people to register as BJP members. Korde has put up this board in front of his salon - Nanda Gents Parlour - located at Gangapur naka. He also has other such offers for hair colour and facial with the increase in the number of members one gets.