சமூக வலைதளங்களில் வைரலாகும் புதிய ரூ1,000 நோட்டுகள்... ஒரிஜனல்தானா?

டெல்லி: சமூக வலைதளங்களில் புதிய ரூ1,000 நோட்டு என்ற படம் வைரலாக பகிரப்பட்டு வருகிறது. அதேநேரத்தில் இது ஒரிஜனல் புதிய ரூபாய் நோட்டுதானா? என்ற சந்தேகமும் எழுப்பப்பட்டு வருகிறது.

500, 1000 ரூபாய் நோட்டுகள் செல்லாது என நவம்பர் 8-ந் தேதி பிரதமர் மோடி அறிவித்தார். அப்போதே புதிய 500 மற்றும் 2,000 ரூபாய் நோட்டுகள் வெளியிடப்படும் எனவும் அறிவிக்கப்பட்டது.

இருப்பினும் 2 வாரங்கள் கழித்தே இப்புதிய ரூ500, ரூ1,000 நோட்டுகள் புழக்கத்துக்கு வரத் தொடங்கின. இந்த ரூபாய் நோட்டுகள் போதுமான அளவு அச்சடிக்கப்படாததால் இன்னமும் மக்களின் இயல்பு வாழ்க்கை முடங்கிப் போயுள்ளது.

Is it the New 1000 Rupee Note @narendramodi @RBI ? Got to see in one of the posts on twitter ... #RjAlok pic.twitter.com/qK98Ul3wNR

— RJ ALOK (@OYERJALOK) December 1, 2016

இந்த நிலையில் தற்போது சமூக வலைதளங்களில் புதிய ரூ1,000 நோட்டு என்ற படம் வைரலாக பரவி வருகிறது. அதே நேரத்தில் இது ஒரிஜனலாக வரப்போகிற ரூ1,000 நோட்டுதானா? என்ற சந்தேகமும் எழுப்பப்பட்டுள்ளது.

மேலும் ஏற்கனவே வரும்னு சொன்ன ரூ500, ரூ2,000 இன்னமும் கைக்கே வரவில்லை... இப்ப ரூ1,000 நோட்டு வரும்னு சொல்றீங்களே... அதாவது போதுமான அளவு அடிக்கப்பட்டதா? என்ற கேள்வியையும் வலைதளவாசிகள் எழுப்பி வருகின்றனர்.

English summary

A photograph of the new Rs 1,000 note has went viral on social media.