‘ஆட்’ நம்பர் மாப்பிள்ளைக்கு, ‘ஈவன்’ நம்பர் பெண் தேவை... இது டெல்லி மேட்ரிமோனியல்!

டெல்லி: என்னடா இது டெல்லிக்கு வந்த டென்ஷன்.. என்று இந்த செய்தியைப் படித்து முடித்ததும் உங்களுக்குத் தோன்றும்.

தலைநகர் டெல்லியில் அளவுக்கு அதிகமாக காற்று மாசுபட்டுள்ளது. எனவே இதனைக் கட்டுப்படுத்தும் முயற்சியாக அரசு அதிரடி திட்டம் ஒன்றை அறிவித்துள்ளது. அதன்படி, ஒற்றைப்படை எண்கள் கொண்ட கார்கள் ஒற்றைப்படை தேதிகளிலும், இரட்டைப்படை எண்கள் கொண்ட கார்கள் இரட்டைப்படை தேதிகளிலும் சாலையில் செல்ல அனுமதிக்கும் திட்டத்தை 15 நாட்களுக்கு டெல்லி அரசு அறிமுகப்படுத்தியுள்ளது.

புத்தாண்டு முதல் அமலுக்கு வந்த இந்த திட்டத்திற்கு கிடைக்கும் வரவேற்பைப் பொறுத்து இந்த திட்டத்தை தொடர்வதா?, கைவிடுவதா? என்பதை டெல்லி அரசு முடிவு செய்யும்.

இந்நிலையில், டெல்லி அரசின் இந்தத் திட்டத்தை வைத்து ஜோக் ஒன்று வாட்ஸ் அப்பில் உலா வருகிறது.

இது டெல்லியில் வெளியான மணமகள் தேவை விளம்பரம் எனக் கூறப்படுகிறது. அதில், ‘26 வயதான நன்கு படித்து கை நிறைய சம்பளம் வாங்கும் இளைஞர் ஒருவர் தன்னிடம் ஒற்றைப்படை எண் கொண்ட கார் இருப்பதாகவும், எனவே தனக்குப் பொருத்தமாக இரட்டைப்படை எண் கொண்ட கார் வைத்திருக்கும் பெண் தேவைப் படுவதாகவும் தெரிவிக்கப்பட்டுள்ளது.

கூடவே, பொருத்தமான பெண்கள் காரின் புகைப்படம் மற்றும் பதிவெண்ணை உறுதி செய்யும் சான்றிதழுடன் விண்ணப்பிக்கலாம் எனவும் வலியுறுத்தப்பட்டுள்ளது.

என்னமோ போடா மாதவா...உனக்கு எல்லாமே வெள்ளாட்டாப் போச்சு..!

English summary

In whatsapp a joke is viral now based on the strict transport rules that is amended in Delhi. The joke says that the odd number groom searches for even number bride as they can go by car daily.