நரேந்திர மோடியுடன் "ஜனசேனா" பவன் கல்யாண் சந்திப்பு!

அகமதாபாத்: குஜராத் முதல்வரும் பாரதிய ஜனதா கட்சியின் பிரதமர் வேட்பாளருமான நரேந்திர மோடியை ஜனசேனா கட்சியை தொடங்கியிருக்கும் நடிகர் பவன் கல்யாண் நேற்று சந்தித்து பேசினார்.

பவர் ஸ்டார் பவன் கல்யாண் திடீரென ஜனசேனா என்ற புதிய கட்சியைத் தொடங்கிய கையோடு பாரதிய ஜனதாவுக்கு ஆதரவு தெரிவித்து வந்தார்.

இதைத் தொடர்ந்து பாரதிய ஜனதாவின் பிரதமர் வேட்பாளரான குஜராத் முதல்வர் நரேந்திர மோடியை நேற்று அகமதாபாத்தில் சந்தித்து பேசினார். இந்த சந்திப்பு ஒரு மணி நேரத்திற்கு மேலாக நீடித்தது.

இந்த சந்திப்பு குறித்து செய்தியாளர்களிடம் பேசிய பவன் கல்யாண், தெலுங்கானா மற்றும் சீமாந்திரா பற்றிய கருத்துகளைப் பகிர்ந்து கொண்டோம். இந்த இரு பகுதிகளுமே வளர்ச்சி அடைவதன் அவசியம் குறித்தும் விவாதித்தோம் என்றார்.

English summary

Indicative of his growing affinity towards the BJP, actor and founder of Jana Sena Party Pawan Kalyan met Gujarat Chief Minister and BJP’s prime ministerial candidate Narendra Modi in Ahmadabad on Friday.