மாநிலம் விட்டு மாநிலம் மாறினாலும் ஒரே நம்பர்- செல்போன் நிறுவனங்களின் புதிய வசதி!

டெல்லி: இந்தியாவில் ஒருவர் உபயோகிக்கும் ஒரே செல்போன் எண்ணை எல்லா மாநிலங்களிலும் மாற்றாமல் உபயோகிக்கும் வசதி விரைவில் அறிமுகமாக உள்ளது.

மாநிலம் விட்டு வேறு மாநிலம் செல்லும் போது வாடிக்கையாளர்கள் தங்களது பழைய செல்போன் எண்ணையே தொடர்ந்து பயன்படுத்தும் வகையில் புதிய சேவை விரைவில் அறிமுகமாக உள்ளது.

அதாவது தமிழகத்தில் வசித்து வரும் நபர் ஆந்திராவில் குடியேறினால் அவர் தனது பழைய எண்ணை, ரோமிங் இல்லாமல், ஆந்திராவிலும் பயன்படுத்தும் வகையில் புதிய வசதியை தொலைத்தொடர்பு நிறுவனங்கள் கொண்டு வர உள்ளன.

வரும் மார்ச் 31 ஆம் தேதிக்குள் இந்த புதிய வசதியை அறிமுகம் செய்ய இலக்கு நிர்ணயம் செய்யப்பட்டுள்ளது.

English summary

Cellphone companies decided to introduce a plan which customers can use same cell number throughout India.