அடேங்கப்பா! ம.பியை அடித்து தூக்கும் காங்கிரஸ்.. இவ்வளவு சீட்டா? People's pulse Exit Polls ரிசல்ட்!

போபால்: People's pulse எக்சிட் போல் கருத்துக்கணிப்பு முடிவுகள், மத்திய பிரதேசத்தில் தனி மெஜாரிட்டியுடன் காங்கிரஸ் கட்சி ஆட்சியைப் பிடிக்கும் என்கின்றன.

மத்தியப் பிரதேச மாநிலத்தில் மொத்தம் 230 சட்டசபை தொகுதிகள் உள்ளன. பாஜக, காங்கிரஸ் இடையே கடுமையான போட்டி நிலவும் இந்த மாநிலத்தில் ஆட்சியைப் பிடிக்க 116 தொகுதிகளில் வெற்றி பெற வேண்டும். இந்த மேஜிக் நம்பரை எட்டுவது யார் என்பது டிசம்பர் 3ஆம் தேதி தெரிந்துவிடும்.

இந்நிலையில், 5 மாநில தேர்தல் வாக்குப்பதிவும் இன்றோடு முடிவடைந்துள்ள நிலையில், தேர்தலுக்குப் பிந்தைய கருத்துக்கணிப்பு முடிவுகளை பல்வேறு நிறுவனங்கள் வெளியிட்டு வருகின்றன. அந்தவகையில், மத்திய பிரதேசத்தில் செம போட்டி நிலவினாலும், காங்கிரஸ் கட்சி சற்று முந்தி இருப்பதாகவே எக்சிட் போல் கணிப்புகள் சொல்கின்றன.

இந்நிலையில், People's pulse எக்சிட் போல் கருத்துக்கணிப்பு முடிவுகள், மத்திய பிரதேசத்தை காங்கிரஸ் கட்சி தட்டித் தூக்கும் எனக் கணித்துள்ளது.

People's pulse எக்சிட் போல் முடிவுகள்:

காங்கிரஸ் 117-139

பாஜக 91-113

மற்றவை 0-8

காங்கிரஸ் கட்சி பெரும்பான்மை இடங்களைப் பெறுவதில் இழுபறி நிகழலாம் என ஜன் கி பாத், டைம்ஸ் நவ்- இடிஜி, டிவி9 போல்ஸ்ட்ராட் ஆகிய கணிப்புகள் தெரிவித்துள்ள நிலையில், People's pulse கணிப்பு, ம.பியில், காங்கிரஸ் ஆட்சிதான் என அடித்துச் சொல்கிறது. அதாவது, காங்கிரஸ் கட்சி குறைந்தபட்சம், மேஜிக் நம்பரான 116-ஐ கடந்துவிடும் என்கிறது இந்தக் கணிப்பு.

கடந்த 2018 சட்டமன்றத் தேர்தலில் காங்கிரஸ் 114 இடங்களிலும், பாஜக 109 இடங்களிலும் வெற்றி பெற்றன. யாருக்கும் பெரும்பான்மை கிடைக்காத நிலையில், சமாஜ்வாதி, பகுஜன் சமாஜ் மற்றும் சுயேச்சை எம்எல்ஏக்கள் ஆதரவுடன் காங்கிரஸ் ஆட்சி அமைத்தது. ம.பி முதல்வராக கமல்நாத் பொறுப்பேற்றார். ஆனால், ஜோதிராதித்ய சிந்தியா 22 எம்.எல்.ஏக்களுடன் பாஜகவுக்கு சென்றதால் காங்கிரஸ் ஆட்சி கவிழ்ந்தது.

இந்நிலையில், இந்த முறையும் அப்படி மெஜாரிட்டி கிடைக்காத சூழல் ஏற்படுமோ என்பது காங்கிரஸ் கட்சியினரின் கவலையாக உள்ளது. இந்நிலையில், பீப்புள்ஸ் பல்ஸ் எக்சிட் போல் முடிவுகள், காங்கிரஸ் சுயர் ஷாட் அடிக்கும் எனத் தெரிவித்துள்ளது காங்கிரஸ் கட்சியினருக்கு மகிழ்ச்சியை ஏற்படுத்தியுள்ளது.

English summary

Stay informed on the Madhya Pradesh political landscape with ABP-C Voter Exit Poll Predictions for 2023. Congress is on the path to sure victory with 117-139 seats, while Congress faces a challenge at 91-113.