ரெய்னா திருமணத்திற்கு 'தல' டோணி வந்தாக, சீனி மாமா வந்தாக இன்னும்...

By Siva

Published: Sunday, April 5, 2015, 12:32 [IST]

Subscribe to Oneindia Tamil

டெல்லி: டெல்லி லீலா பேலஸ் ஹோட்டலில் நடந்த கிரிக்கெட் வீரர் சுரேஷ் ரெய்னாவின் திருமண நிகழ்ச்சியில் சக வீரர்களான டோணி, ஷிகர் தவான், இஷாந்த் சர்மா உள்ளிட்ட ஏராளமானோர் கலந்து கொண்டனர்.

கிரிக்கெட் வீரர் சுரேஷ் ரெய்னாவுக்கும், அவரது தோழி பிரியங்கா சவுத்ரிக்கும் டெல்லியில் உள்ள லீலா பேலஸ் ஹோட்டலில் வெள்ளிக்கிழமை பிரமாண்டமாக திருமணம் நடைபெற்றது. ரெய்னா தங்க நிற ஷெர்வானியில் அம்சமாக இருந்தார். பிரியங்கா சிவப்பு நிற லெஹங்காவில் மிகவும் அழகாக இருந்தார்.

திருமண விழாவுக்கு கிரிக்கெட் வீரர்கள், பாலிவுட் பிரபலங்கள் என பலர் வந்திருந்தனர்.

டோணி

கேப்டன் டோணி தனது மனைவி சாக்ஷியுடன் நண்பன் ரெய்னாவின் திருமணத்திற்கு வந்திருந்தார். திருமண விழாவில் அவர் சக வீரர் இர்பான் பதான், பாலிவுட் நடிகர் அனுபம் கேருடன் போட்டோவுக்கு போஸ் கொடுத்தார்.

பிராவோ

ஐபிஎல் போட்டிகளில் டோணி, ரெய்னாவுடன் விளையாடிய மேற்கிந்திய தீவுகளைச் சேர்ந்த கிரிக்கெட் வீரர் ட்வெய்ன் பிராவோவும் திருமண விழாவுக்கு வந்து தம்பதிகளை வாழ்த்தினார்.

சீனிவாசன்

ஐசிசி தலைவர் சீனிவாசன் திருமண விழாவில் கலந்து கொண்டு ரெய்னா, பிரியங்காவை வாழ்த்தினார்.

மோஹித் சர்மா

ரெய்னாவின் திருமண நிகழ்ச்சியில் குத்துச் சண்டை வீரர் சுஷில் குமார், கிரிக்கெட் வீரர் மோஹித் சர்மா, சென்னை சூப்பர் கிங்ஸ் அணியின் பயிற்சியாளர் ேஸ்டீபன் பிளெமிங் ஆகியோரும் கலந்து கொண்டனர்.

சாக்ஷி

குழந்தை பிறந்த பிறகு சாக்ஷி முதல்முறையாக தனது கணவருடன் திருமண விழாவில் கலந்து கொண்டுள்ளார். அவரும், டோணியும் நடிகர் அனுபம் கேருடன் போட்டோவுக்கு போஸ் கொடுத்துள்ளனர்.