மதுபான விடுதிகளில் அழகிகள் நடனத்துக்கு தடை – மகாராஷ்டிர அரசுக்கு உச்ச நீதிமன்றம் நோட்டீஸ்!
டெல்லி: மதுபான விடுதிகளில் அழகிகளின் நடனத்திற்கு விதிக்கப்பட்ட தடை குறித்து பதிலளிக்குமாறு மகாராஷ்டிர அரசுக்கு உச்ச நீதிமன்றம் நோட்டீஸ் அனுப்பி உள்ளது.
மகாராஷ்டிராவில் கடந்த 2005 ஆம் ஆண்டு மதுபான விடுதிகளில் அழகிகள் நடனத்துக்கு தடை விதிக்கப்பட்டது.
ஆனால், 3 நட்சத்திர ஹோட்டல்கள் மற்றும் உயர்தர ஹோட்டல்களுக்கு விலக்கு அளிக்கப்பட்டது.
விதிமீறல் சட்டம்:
இதைத்தொடர்ந்து இந்த ஆண்டு ஜூன் 13 ஆம் தேதி மகாராஷ்டிர சட்டசபையில் மகாராஷ்டிர போலீஸ் சட்டம் நிறைவேற்றப்பட்டது. இதன் விதிமுறைகள் அரசியல் அமைப்பு சட்டத்தில் கூறப்பட்டுள்ள அடிப்படை விதிகளை மீறுவதாக அமைந்து உள்ளது.
அழகிகள் நடனத்துக்குத் தடை:
எனவே, இந்த புதிய சட்டத்திற்கு முரண்பாடாக மட்டும் அல்லாமல், மதுபான விடுதிகள் மற்றும் உணவகங்களில் அழகிகள் நடனத்துக்கு தடை விதிப்பதால் இதை எதிர்த்து இந்திய ஹோட்டல் மற்றும் உணவக சங்கம் சார்பில் சுப்ரீம் கோர்ட்டில் வழக்கு தொடரப்பட்டது.
5 ஆண்டுகள் சிறை:
அதில், தடையை மீறி செயல்பட்டால் குறைந்தது 3 மாதம் முதல் அதிகபட்சமாக 5 ஆண்டுகள் வரை ஜெயில் தண்டனையும், ரூபாய் 1 லட்சத்தில் இருந்து ரூபாய் 5 லட்சம் அபராதமும் விதிக்கப்படுகிறது.
உரிமம் ரத்து:
இது தவிர சம்பந்தப்பட்ட ஹோட்டல் உரிமத்தையும் ரத்து செய்ய இந்த புதிய சட்டம் வழிவகுக்கிறது என்று குறிப்பிடப்பட்டு இருந்தது.
அரசிடம் பதில் கேட்டு நோட்டீஸ்:
இந்த வழக்கு நேற்று நீதிபதிகள் எஸ்.ஜே.முகோபாதயா, பி.சி.பாந்த் ஆகியோர் முன்னிலையில் விசாரணைக்கு வந்தது. வழக்கை விசாரித்த நீதிபதிகள், இந்த விவகாரத்தில் மகராஷ்டிர அரசு பதிலளிக்க கோரி நோட்டீஸ் அனுப்ப உத்தரவிட்டனர்.
Click it and Unblock the Notifications
Sign in with Google