ஹேப்பி பர்த்டே ஷின்ஸோ.. ஜப்பான் பிரதமருக்கு மோடி பிறந்த நாள் வாழ்த்து!

டெல்லி: ஜப்பான் பிரதமர் அபே ஷின்ஷோவின் பிறந்த நாளையொட்டி அவருக்கு டிவிட்டர் மூலம் பிரதமர் நரேந்திர மோடி வாழ்த்து தெரிவித்துள்ளார்.

ஷின்ஷோவும், மோடியும் நல்ல நண்பர்களாகவும் உள்ளனர். சமீபத்தில் ஜப்பானுக்குச் சென்றிருந்தபோது இருவரும் தங்களது நெருக்கமான நட்பை வெளிப்படுத்தி அனைவரையும் வியக்க வைத்தனர்.

இந்தியாவின் பல்வேறு திட்டங்களில் ஜப்பான் கை கொடுக்கவும் உள்ளது. ஜப்பான் வருகைக்கு முன்பு டிவிட்டரில் ஜப்பான் மொழியிலும் செய்தி வெளியிட்டு அதிசயிக்க வைத்தார் மோடி.

இந்த நிலையில் ஷின்ஷோவின் பிறந்த நாளுக்கு மோடி வாழ்த்து தெரிவித்துள்ளார். டிவிட்டரில் அவர் இதுகுறித்துக் குறிப்பிடுகையில், அபே ஷின்ஷோவின் பிறந்த நாளையொட்டி அவருக்கு வாழ்த்து தெரிவித்துக் கொள்கிறேன். நீங்கள் நலமாகவும், நல்ல ஆயுளுடனும், நீண்ட காலம் வாழ பிரார்த்திக்கிறேன். உங்களது தலைமையில் ஜப்பான் பல துறைகளில் பெரும் எழுச்சியுடனும், புதிய உயரங்களை எட்டும் வகையிலும் உயரும் என்றும் வாழ்த்துகிறேன் என்று மோடி தெரிவித்துள்ளார்.

English summary

Prime Minister Narendra Modi today wished his Japanese counterpart Shinzo Abe on his birthday and said that both of them are committed to taking India-Japan ties to the next level. "Wishing @AbeShinzo a Happy Birthday! I pray for his long life, good health & wish him the best in leading Japan to new heights of progress," the Prime Minister tweeted.