‛‛கையில் திரிசூலம்’’.. நெற்றி நிறைய சந்தனம்.. மொத்தமாக மாறிய பிரதமர் மோடி.. வீடியோ பாருங்க

வாரணாசி: லோக்சபா தேர்தலில் பிரதமர் மோடி மீண்டும் வாரணாசி தொகுதியில் 3வது முறையாக போட்டியிட உள்ளார். இந்நிலையில் தான் நேற்று வாரணாசியில் உள்ள புகழ்பெற்ற காசி விஸ்நாதர் கோவிலுக்கு சென்ற பிரதமர் மோடி நெற்றி நிறைய சந்தனம் பூசி திரிசூலத்துடன் போஸ் கொடுத்த வீடியோ மற்றும் போட்டோ இணையதளங்களில் வேகமாக பரவி வருகிறது.

விரைவில் லோக்சபா தேர்தல் நடைபெற உள்ளது. இந்நிலையில் தான் பிரதமர் மோடி ஒவ்வொரு மாநிலங்களுக்கும் சென்று பல ஆயிரம் ரூபாய் மதிப்பிலான நலத்திட்ட பணிகளை தொடங்கி வைப்பதோடு, புதிய பணிகளுக்கும் அடிக்கல் நாட்டி வருகிறார்.

இந்நிலையில் தான் பிரதமர் மோடி உத்தர பிரதேசம் சென்றார். அங்கு தான் எம்பியாக உள்ள வாரணாசி தொகுதிக்கு அவர் சென்றார். இந்த தொகுதியில் பிரதமர் மோடி 2 முறை போட்டியிட்டு வெற்றி பெற்றார்.

கடந்த 2014, 2019 ஆகிய ஆண்டுகளில் வாரணாசியில் போட்டியிட்டு வாகை சூடி பிரதமரான மோடி மீண்டும் வரும் நாடாளுமன்ற தேர்தலில் வாரணாசியில் களமிறங்க உள்ளார். சமீபத்தில் வெளியான பாஜகவின் நாடாளுமன்ற தேர்தலுக்கான முதற்கட்ட வேட்பாளர் பட்டியலில் பிரதமர் மோடியின் பெயர் இருந்தது.

இந்நிலையில் தான் வாரணாசியில் மீண்டும் போட்டியிடும் பிரதமர் மோடி நேற்று அங்கு சென்றார். பிரதமர் மோடியை உத்தர பிரதேச முதல்வர் யோகி ஆதித்யநாத் வரவேற்றார். அதன்பிறகு வாரணாசியில் உள்ள புகழ்பெற்ற காசி விஸ்வநாதர் கோவிலில் பிரதமர் மோடி தரிசனம் செய்தார். நாட்டில் உள்ள மக்கள் அனைவரும் நன்றாக இருக்க வேண்டும் என சிவபெருமானை வேண்டி அவர் தரிசித்தார்.

Prayed at the Kashi Vishwanath Temple. Har Har Mahadev! pic.twitter.com/sDeJIDioYF

— Narendra Modi (@narendramodi) March 9, 2024

கோவிலில் சிவனுக்கு அபிசேகம் செய்தார். அர்ச்சகர் பிரதமர் மோடியின் நெற்றியில் சந்தனம் பூசினார். அதன்பிறகு பிரதமர் மோடி கோவிலுக்கு வெளியே வந்தார். பிரதமர் மோடியை பார்க்க ஏராளமானவர்கள் அங்கு குவிந்திருந்தனர். மோடியை பார்த்தவுடன் அவர்கள் மோடி.. மோடி.. என கோஷமிட்டனர்.

वाराणसी के भव्य-दिव्य श्री काशी विश्वनाथ मंदिर में पूजा-अर्चना से मन को हमेशा अद्भुत संतोष मिलता है। बाबा विश्वनाथ से आज यहां देशभर के अपने परिवारजनों के सुख-सौभाग्य और आरोग्य की कामना की। हर हर महादेव! pic.twitter.com/GKNWjPtQTW

— Narendra Modi (@narendramodi) March 10, 2024

இந்த வேளையில் கையில் ‛திரிசூலத்துடன் தோன்றினார். திரிசூலம் என்பது கடவுள் சிவபெருமானின் ஆயுதமாகும். அதனை பிரதமர் மோடி கையில் வைத் போஸ் கொடுத்ததால் பக்தர்கள் மற்றும் அவரது கட்சியினர் உற்சாகமடைந்தனர். இதுதொடர்பான போட்டோ மற்றும் வீடியோ தற்போது இணையதளங்களில் வேகமாக பரவி வருகிறது.

English summary

Prime Minister Modi is going to contest for the 3rd time from Varanasi constituency in the Lok Sabha elections. In this case, the video and photo of Prime Minister Modi, who went to the famous Kashi Vishnath temple in Varanasi yesterday and posed with a trident on his forehead with a lot of sandalwood, is spreading rapidly on the internet.