நீல் ஓ பிரையன்.. இனி யாரையும் கேள்வி கேட்க மாட்டார்.. !

கொல்கத்தா: இந்தியாவின் வினாடி வினா நிகழ்ச்சி முன்னோடியாகக் கருதப்படும் நீல் ஓ பிரையன் கொல்கத்தாவில் காலமானார்.

தற்போது பல்வேறு இடங்களில் பல வினாடி வினா நிகழ்ச்சிகள் நடைபெற்று வருகின்றன. ஆனால், இந்தியாவில் முறையாக நடத்தப்பட்ட முதல் வினாடி வினா நிகழ்ச்சியை நடத்தியவர் என்ற பெருமைக்குரியவர் மேற்கு வங்கத்தைச் சேர்ந்த நீல் ஓ பிரையன்.

82 வயதான நீல், எம்.பி மற்றும் எம்.எல்.ஏ. வாக இருந்தவர். அவருக்கு ஒரு மனைவியும் மூன்று மகன்களும் உள்ளனர். தற்போது திரிணாமுல் காங்கிரஸ் எம்.பியாக அவரது மகன் டெரிக் ஓ பிரையின் பதவி வகித்து வருகிறார்.

தனது தந்தையின் மரணம் குறித்து டெரிக், தனது டிவிட்டர் பக்கத்தில் வெளியிட்டுள்ள செய்தியில், "நான் இதுவரை பதிவு செய்ததிலேயே மோசமான பதிவு. என் தந்தை நெய்ல் ஓ பிரெயின் காலமாகி விட்டார். கொல்கத்தாவில் உள்ள எங்களது வீட்டில் வெள்ளியன்று அவர் காலமானார்" எனத் தெரிவித்துள்ளார்.

கல்வித்துறையிலும் நீல் பணியாற்றியுள்ளார் என்பது குறிப்பிடத்தக்கது.

English summary

Neil O'Brien, credited with pioneering quizzing in the country, passed away here on Friday, his son and Trinamool Congress MP Derek O'Brien said.