என்ன கோககோலா ஓனர் லெமன் ஜூஸ் வித்தாரா? ராகுல் காந்தியை வைத்து செய்த நெட்டிசன்ஸ்

கோககோலா நிறுவனத்தை உருவாக்கியவர்கள் ஒரு காலத்தில் லெமன் சோடா விற்றுக்கொண்டு இருந்தார்கள் என்று ராகுல் காந்தி பேசியதை வைத்து பல மீம்கள் போடப்பட்டுள்ளது.

By Shyamsundar

Updated: Friday, June 15, 2018, 14:37 [IST]

Subscribe to Oneindia Tamil

Recommended Video

கோககோலா உருவாக்கியவர்கள் ஒரு காலத்தில் லெமன் சோடா விற்றவர்கள்- ராகுல் காந்தி-வீடியோ

டெல்லி: கோககோலா நிறுவனத்தை உருவாக்கியவர்கள் ஒரு காலத்தில் லெமன் சோடா விற்றுக்கொண்டு இருந்தார்கள் என்று ராகுல் காந்தி பேசியதை வைத்து பல மீம்கள் போடப்பட்டுள்ளது.

அரசியல்வாதிகள் தவறாக பேசி இணையத்தில் கலாய் வாங்குவது வழக்கம். பாஜகவினரை வைத்து பக்கோடா மீம்ஸ் போடுவது போல தற்போது ராகுல் காந்தியை வைத்து மீம் போட்டுக் கொண்டு இருக்கிறார்கள்.

ராகுல் காந்தி நேற்று நடந்த விழா ஒன்றில், கோககோலாவை கண்டுபிடித்தது, லெமன் சோடா விற்றவர்கள்தான். அதேபோல் மெக்டோனால்ட்ஸ் நிறுவனத்தை உருவாக்கியது ரோட்டு கடை வைத்து இருந்தவர்கள் என்று கூறினார்.

வைரல்

இதை வைத்து காங்கிரஸ் தலைவர் ராகுல் காந்தியை எல்லோரும் மோசமாக கலாய்த்தனர். இதற்காக #AccordingToRahulGandhi என்று ராகுலை பொறுத்தவரை என்று பொருள்படும் வகையில் ஹேஷ்டேக் உருவாக்கினார்கள். ராகுலை பொறுத்தவரை எதை யார் தொடங்கி இருப்பார் என்று இவர்கள் மீம் போட்டுள்ளனர்.