மாயமான விமானம் எங்கனு ரஜினிக்குத்தான் தெரியும்... சோகத்தை விளையாட்டாக்கும் ஜோக்

Updated: Friday, March 21, 2014, 19:12 [IST]

Subscribe to Oneindia Tamil

மும்பை: பிரபலங்களை வைத்து சூழ்நிலைக்கு தக்கவாறு காமெடி செய்வதையே கடமையாகக் கொண்டு சிலர் நெட்டில் உலா வருகின்றனர் போலும்.

சமீபத்தில் 239 பயணிகளுடன் மாயமான மலேசிய விமானத்தை கிட்டத்தட்ட 25க்கும் அதிகமான நாடுகள் ஒருபுறம் சல்லடை போட்டுத் தேடிக் கொண்டிருக்க, உறவினர்களோ கண்ணீரும் கம்பலையுமாக இருக்க, சிலர் அதை வைத்து காமெடி கமெண்ட்களைத் தட்டி விட்டுக் கொண்டிருக்கின்றனர்.

அடுத்தவர் கண்ணீரை காமெடியாக பார்க்கும் போக்குக்கு இதுவும் ஒரு உதாரணமாக அமைந்துள்ளது. தற்போது ரஜினியை வைத்து இந்த விமான விவகாரத்தை எஸ்.எம்.எஸ். மூலம் கிண்டலாக்கியுள்ளனர் சிலர்.

ரஜினிக்கு மட்டும் தான் தெரியும்...

முன்பு ‘நோக்கியா போனை ஆன் பண்ணினால் குலுக்கும் கைகள் யாருடையவை என்பது ரஜினிக்கு மட்டும் தான் தெரியும்...' என்ற ரேஞ்சில் பல ஜோக்குகள் வந்தன.

நிஜமல்ல கதை...

தற்போது அந்தவகையில் மாயமான மலேசிய விமானத்தைப் பற்றி வந்த ஒரு எஸ்.எம்.எஸ்ஸை தனது டிவிட்டர் பக்கத்தில் பகிர்ந்து கொண்டுள்ளார் அமிதாப் பச்சன்.

எங்களை வச்சு காமெடி பண்றீங்களே...

அதில், ரஜினியிடம் காணாமல் போன விமானம் எங்கே இருக்கு என்பதைக் கேட்பது போல வாசகம் உள்ளது

சொல்லுங்க ரஜினி சொல்லுங்க....

‘ஓகே ரஜினிகாந்த்... போதும்... போதும்... நீங்கதான் தான் ஜெயிச்சீங்கன்னு ஏத்துக்கிறோம்!! இப்பச் சொல்லுங்க அந்த மலேசியா விமானம் எங்க இருக்குனு....' என்று அந்த எஸ்எம்எஸ்ஸில் உள்ளது.

இப்படியெல்லாமாப்பா கிண்டலடிப்பது... அதுவும் மனித நேயமிக்க ரஜினியை வைத்து இப்படி ஒரு ஜோக்கா..