மாண்டியா: குத்து ரம்யாவிற்கு எதிராக ரக்சிதாவை களமிறக்கும் பாஜக?

By Mayura Akilan

Published: Thursday, March 20, 2014, 13:51 [IST]

Subscribe to Oneindia Tamil

மாண்டியா: கர்நாடக மாநிலம் மாண்டியா தொகுதி எம்.பியும் காங்கிரஸ் வேட்பாளருமான ரம்யாவிற்கு எதிராக ரக்சிதாவை களமிறக்க பாஜக முடிவு செய்துள்ளதாக தகவல்கள் வெளியாகியுள்ளன.

மாண்டியா தொகுதியில் நடைபெற்ற இடைத்தேர்தலில் வென்று காங்கிரஸ் எம்.பி.யாக இருப்பவர் நடிகை ரம்யா. இவர் மீண்டும் காங்கிரஸ் வேட்பாளராக மாண்டியா தொகுதியில் களம் இறங்குகிறார்.

இதற்கான அனைத்து ஏற்பாடுகளும் நடந்து வருகின்றன. தீவிர பிரச்சாரத்திலும் ரம்யா ஈடுபட்டுள்ளார்.

களமிறங்கும் ரக்சிதா

இவரை எதிர்த்து மாண்டியாவில் போட்டியிட தேவகவுடாவின் மதசார்பற்ற ஜனதா தளம் கட்சியில் இருக்கும் நடிகை ரக்சிதா முடிவு செய்தார். இதற்காக விருப்ப மனுவும் கொடுத்து இருந்தார். ஆனால், தேவேகவுடா சீட் கொடுக்கவில்லை. இதனால் ரக்சிதா அதிருப்தி அடைந்தார்.

பாஜகவில் சேர முடிவு

இந்த லோக்சபா தேர்தலில் மாண்டியா தொகுதியில் ரம்யாவை எதிர்த்து போட்டியிட்டால் வெற்றி பெற முடியும் என்று ரக்சிதா கருதுகிறார். மதசார்பற்ற ஜனதா தளம் கட்சியில் டிக்கெட் கிடைக்காததால் பா.ஜ.கவில் சேர முடிவு செய்துள்ளார்.

டிக்கெட் உறுதி

பா.ஜ.கவில் சேர்ந்தால் அவருக்கு மாண்டியா தொகுதியில் போட்டியிட டிக்கெட் தருவதாக அந்த கட்சி உறுதி அளித்துள்ளது. எனவே, பாஜகவில் இணைந்து மாண்டியா தொகுதியில் ரம்யாவை எதிர்த்து ரக்சிதா போட்டியிடுகிறார். இதற்காக இன்று நடிகை ரக்சிதா பா.ஜனதாவில் இணைய இருப்பதாக தகவல்கள் வெளியாகி உள்ளன.

விஜய் கதாநாயகி

கன்னடம், தெலுங்கு உள்பட பல்வேறு மொழிகளில் நடித்துள்ள இவர் தமிழில் விஜய் ஜோடியாக ‘மதுர' படத்தில் நடித்தார். சினிமா உலகில் ரம்யாவுக்கும், ரக்சிதாவுக்கும் கடும் போட்டி இருந்தது.

மாண்டியாவில் அறிமுகம்

பிரபல கன்னட டைரக்டரும், நடிகருமான பிரேமை காதல் திருமணம் செய்து கொண்ட ரக்சிதா, முதலில் எடியூரப்பாவின் கர்நாடக ஜனதா கட்சியில் இருந்தார். அப்போது நடந்த சட்டசபை தேர்தலில் மாண்டியா தொகுதியில் போட்டியிட்டு குறைந்த ஓட்டு வித்தியாசத்தில் தோல்வி அடைந்தார்.