பாட்னா சாஹிப் மக்களவைத் தேர்தலில் முக்கிய வேட்பாளர்கள் யார்?

பாட்னா சாஹிப் மக்களவைத் தேர்தலில் பாஜகவின் ரவிசங்கர் பிரசாத் மற்றும் காங்கிரஸின் அன்ஷுல் அவிஜித் ஆகியோர் முக்கிய வேட்பாளர்கள்.

காங்கிரஸ் வேட்பாளர் அன்ஷுல் அவிஜித்தின் பின்னணி என்ன?

அன்ஷுல் அவிஜித் மூத்த காங்கிரஸ் தலைவர் மீரா குமாரின் மகன் மற்றும் தலித் மற்றும் பிற்படுத்தப்பட்ட சாதி பின்னணியில் இருந்து வந்தவர்.

ஊருக்குள்ளேயே இல்லையாமே.. பாஜக சீனியர் ரவிசங்கர் பிரசாத் வெல்ல முடியுமா.. பாட்னா சாஹிப் கள நிலவரம்

By Nantha Kumar R

Updated: Monday, May 27, 2024, 12:32 [IST]

Subscribe to Oneindia Tamil

பாட்னா: பீகாரில் உள்ள பாட்னா சாஹிப் மக்களவைத் தொகுதியில் பாஜகவின் ரவிசங்கர் பிரசாத் மற்றும் காங்கிரஸ் மூத்த தலைவர் மீரா குமாரின் அன்ஷுல் அவிஜித் இடையே நேரடிப் போட்டி நிலவுகிறது.

தற்போதைய எம்.பி.யும் முன்னாள் மத்திய அமைச்சருமான ரவிசங்கர் பிரசாத், தேர்தலுக்குப் பிறகு அந்தப் பகுதியை புறக்கணித்ததாக குற்றச்சாட்டுகளை எதிர்கொண்டுவரும் நிலையில் போட்டி கடுமையாக உள்ளது.

கயஸ்தா பிரிவைச் சேர்ந்த ரவிசங்கர் பிரசாத், கணிசமான காயஸ்தா வாக்காளர்களைக் கொண்ட இந்த தொகுதியில் களமிறங்கியுள்ளார். பாஜகவுக்கு எதிராக பல்வேறு கட்சிகள் கயஸ்தா வேட்பாளர்களை முன்பு நிறுத்தியுள்ளன, ஆனால் வியூகம் வெற்றிபெறவில்லை. இம்முறை தலித் சாதியைச் சேர்ந்த அவிஜித்தை களமிறக்கியுள்ளது காங்கிரஸ்.

பாட்னாவில் உள்ள பாபு ஜெகஜீவன் ராம் வீட்டை அவிஜித் தனது பிரச்சாரத்தின் மையமாக மாற்றி அதன் மூலம் ஒரு ஸ்டேட்மென்ட்டை மக்களுக்கு கடத்தியுள்ளார். அதேநேரம், பாட்னா சாஹிப்பில் உள்ள பல வாக்காளர்கள் அந்த பகுதியில் ரவிசங்கர் பிரசாத் வசிக்காதது குறித்து அதிருப்தியை வெளிப்படுத்துகின்றனர். ஊருக்குள்ளேயே இல்லாதவருக்கு ஏன் ஓட்டு போட வேண்டும் என்று மக்களில் பலர் கேட்டதாக பிபிசி கள ஆய்வு ஒன்று தெரிவிக்கிறது.

விலைவாசி உயர்வு மற்றும் வேலையின்மை பற்றிய கவலைகள் பரவலாக உள்ளன. இருப்பினும், சில ஆதரவாளர்கள் மோடியின் "தலைமை மற்றும் நாட்டின் வளர்ச்சிக்கான முயற்சிகள்" இந்த கவலைகளை தூக்கி சாப்பிட்டுவிடுவதாகவும் தெரிவிக்கிறார்களாம்.

பாட்னா சாஹிப் தொகுதியில் அதிக நகர்ப்புற மக்கள் வசிக்கின்றனர். இந்தத் தொகுதிக்கான வாக்குப்பதிவு கடைசி கட்டமான ஜூன் 1ஆம் தேதி நடைபெறும். இது 6 சட்டமன்றத் தொகுதிகளை உள்ளடக்கியது, இதில் 2020 பீகார் சட்டமன்றத் தேர்தலில் பாஜக 4 இடங்களில் வெற்றி பெற்றது.

ரவிசங்கர் பிரசாத் வெற்றி பெற விரும்பினால், உள்ளூர் பிரச்சினைகள் தீர்க்கப்பட்டிருக்க வேண்டியது அவசியமாக இருந்தது. ஆனால் பெரும்பாலானவரை தீர்க்கப்படவில்லை. ஏழைகளுக்கு இலவச உணவு வழங்கும் திட்டங்களின் மூலம் பாஜக ஓரளவுக்கு இங்கு ஆதரவைப் பெற்றுள்ளது. இருப்பினும், பீகாரில் வேலையில்லா திண்டாட்டம் மற்றும் பணவீக்கம் ஆகியவை குறிப்பிடத்தக்க பிரச்சினைகளாக உள்ளன.

பாட்னா சாஹிப்பில் தேர்தல் முடிவு பல்வேறு காரணிகளைப் பொறுத்தது. வேட்பாளர்களின் பிரச்சாரம் மற்றும் அவர்களின் செயல்பாடுகள் மற்றும் வாக்குறுதிகள் பற்றிய வாக்காளர்களின் மன ஓட்டம் முக்கிய பங்கு வகிக்கும் என்கிறது கள நிலவரம்.

FAQs

பாட்னா சாஹிப் லோக்சபா தொகுதி தேர்தலில் பணவீக்கம், வேலையின்மை, அரசியலமைப்பு மற்றும் இடஒதுக்கீட்டிற்கான அச்சுறுத்தல்கள் மற்றும் உள்ளூர் நகர்ப்புற சவால்கள் ஆகியவை முக்கியப் பிரச்சினைகளாகும்.

பணவீக்கம் மற்றும் வேலையில்லாத் திண்டாட்டம் பற்றிய கவலைகள் இருந்தாலும், வளர்ச்சி முயற்சிகள் மற்றும் ஏழைகளுக்கு இலவச உணவு வழங்கும் திட்டங்களை முன்னிலைப்படுத்தி பாட்னா சாஹிப்பில் உள்ள உள்ளூர் பிரச்சினைகளை பாஜக சமாளிக்கிறது.

பாட்னா சாஹிப் தொகுதிக்கான வாக்குப்பதிவு ஜூன் 1 ஆம் தேதி நடைபெறும், வெப்பம் காரணமாக பிரச்சாரம் சவாலானது, தொகுதியின் பெரிய நகர்ப்புற மக்கள் மற்றும் உள்ளூர் பிரச்சினைகள் வேட்பாளர்களுக்கு சவாலானது.