'பிங்க்' உடையில் தேவதை போல பளபளபத்த 'பேட்மிண்டன்' சாய்னா....!
ஹைதராபாத்: ஹைதராபாத்தில் நடந்த டீச் பார் சேஞ்ச் என்ற பேஷன் ஷோவில் இந்திய பேட்மிண்டன் வீராங்கனை சாய்னா நெஹ்வால் உள்ளிட்ட பிரபலங்கள் அழகு உடையுடன் அன்ன நடை போட்டு அசத்தினர்.
திரையுலகினர், தொழில்துறையைச் சேர்ந்த பிரபலப் பெண்களும் இதில் கண் கவர் உடையில் வந்திருந்தனர்.
பேட்மிண்டன் ராக்கெட்டும், கையுமாக சாய்னாவைப் பார்த்துப் பழகிய கண்களுக்கு அவர் அட்டகாசமான வண்ண உடையில் வந்து போனது பார்க்க வித்தியாசமாக இருந்தது.
அறக்கட்டளை ஷோ
லிவ்லைப் ஹாஸ்பிட்டல்ஸ் என்ற மருத்துவமனை இந்த பேஷன் ஷோவுக்கு ஏற்பாடு செய்திருந்தது.
மாற்றத்தைக் கற்பியுங்கள்
டீச் பார் சேஞ்ச், அதாவது மாற்றத்தைக் கற்பியுங்கள் என்ற தலைப்பில் நடந்த இந்த ஷோவில் பல்துறைப் பிரபலங்கள் அணிவகுத்து வந்தனர்.
பிங்க் தேவதை....
பிங்க் நிற உடையில் வித்தியாசமான கெட்டப்பில் சாய்னா அழகு தேவதையாக காட்சி தந்தார்.
புன்னகை என்ன விலை
பேட்மிண்டன் போட்டிகளில் சிரிப்பே இல்லாத முகத்துடன் சீரியஸாக ஆடும் சாய்னா இந்த ஷோவின்போது புன்னகை பூத்த முகமாக காட்சி தந்தது ரம்மியமாக இருந்தது.
அன்ன நடை.. அழகு நடை
அழகான அந்த டிரஸ்ஸில் அன்ன நடை போட்டு புன்னகை தவழ பளிச்சிட்ட சாய்னாதான் அன்றைய ஷோவின் முக்கிய அம்சமாக மாறிப் போயிருந்தார்.
சைலேஷ் சிங்கானியா -டோலி குர்பானி
இந்த ஷோவில் கலந்து கொண்ட சாய்னா உள்ளிட்டோரின் உடைகளை சைலேஷ் சிங்கானியா மற்றும் டோலி குர்பானி ஆகியோர் வடிவமைத்திருந்தனர்.
கச்சிதமான சாய்னா
குறிப்பாக சாய்னாவுக்கு வடிவமைக்கப்பட்டிருந்த உடை அவரை புது கோணத்தில் காட்டி ஜொலிக்க வைத்திருந்தது.
லட்சுமி மஞ்சுவும், சார்மியும்
இதேபோல நடிகர் மோகன்பாபுவின் மகளான லட்சுமி மஞ்சு, நடிகைகள் சார்மி, தியா மிர்ஸா, ஆகியோரும் பூனை நடை போட்டார்கள். நடிகர் நவ்தீப்பும் காணப்பட்டார்.
Click it and Unblock the Notifications
Sign in with Google