'சேச்சே.. இது தப்பாச்சே!'- ரஹ்மானுக்கு ஃபத்வா கொடுத்தது பற்றி ஷபானா ஆஸ்மி
ஏ.ஆர்.ரஹ்மானுக்கு ஃபத்வா விதிக்கப்பட்டுள்ளதற்கு தனது கடுமையான எதிர்ப்பைத் ரிவித்துள்ளார் நடிகை ஷபானா ஆஸ்மி.
5 தேசிய விருதுகளை வென்ற பாலிவுட் நடிகை ஷபானா ஆஸ்மி.
ஏ.ஆர்.ரஹ்மான் மற்றும் முகமது - தி மெஸஞ்சர் ஆப் காட் பட இயக்குநர் மஜித் மஜிதி இருவருக்கும் இஸ்லாமிய மதத்தை தவறாக சித்தரித்து படம் எடுத்துள்ளதாக ஃபத்வா கொடுத்துள்ளனர்.
இதற்கு ஃபத்வா கொடுத்த இஸ்லாமிய அமைப்பை ஷபானா ஆஸ்மி கேள்விகள் கேட்டுள்ளார். ஃபத்வா கொடுத்த இஸ்லாமிய அமைப்பு சரியான அங்கீகாரம் பெற்ற அமைப்பா? எந்த அடிப்படையில் ஃபத்வா கொடுத்தார்கள்? முக்கியமாக படத்தைப் பார்த்தார்களா அந்த அமைப்பைச் சேர்ந்தவர்கள்?
இவற்றுக்கான பதில், கண்டிப்பாக 'இல்லை' தான்.
ஒரு படத்தைப் பார்க்காமலேயே சும்மா போகிற போக்கில் கருத்து சொல்லும் நபர்களை நம்பி ஒரு படம் இப்படித்தான் இருக்கும் என எந்த நம்பிக்கையில் ஃபத்வா கொடுத்தார்கள்?
மேலும் ஃபத்வா என்பது விதிக்கப்படுவது அல்ல அது முழுமையான வேண்டுகோள் மட்டுமே. இவர்கள் அதையே தவறாகக் கொடுத்துள்ளார்கள். மேலும் தீர விசாரிக்காமல் ஃபத்வா கொடுக்க முடியாது," என கூறியுள்ளார் ஷபானா ஆஸ்மி.
Click it and Unblock the Notifications
Sign in with Google