உத்தர பிரதேச தேர்தல்: காங்கிரஸ் முதல்வர் வேட்பாளராக டெல்லி முன்னாள் முதல்வர் ஷீலா தீட்சித் அறிவிப்பு
டெல்லி: அடுத்த ஆண்டு நடைபெற உள்ள உத்தர பிரதேச சட்டசபை தேர்தலுக்கான காங்கிரஸ் கட்சி முதல்வர் வேட்பாளராக ஷீலா தீட்சித் அறிவிக்கப்பட்டுள்ளார்.
டெல்லியில் 1998 முதல் 2013ம் ஆண்டுவரை தொடர்ச்சியாக கிட்டத்தட்ட 15 வருடங்கள் முதல்வராக பதவி வகித்தவர் காங்கிரசின் மூத்த தலைவர்களில் ஒருவரான ஷீலா தீட்சித்.
காமன்வெல்த் விளையாட்டு போட்டியில் ஊழல் போன்ற பல்வேறு சர்ச்சைகளால் டெல்லி சட்டசபை தேர்தலில் தோல்வியடைந்த ஷீலா தீட்சித், கேரள மாநில ஆளுநராக நியமிக்கப்பட்டார்.
இருப்பினும், பாஜக தலைமையில் மத்திய அரசு அமைந்ததும், அந்த பதவி பறிக்கப்பட்டது. அத்தோடு தீவிர அரசியலில் இருந்து ஷீலா தீட்சித் ஓய்வு பெற்றுவிடுவார் என்று எதிர்பார்க்கப்பட்ட நிலையில், அவரை உத்தர பிரதேச காங்கிரஸ் கட்சிக்கான முதல்வர் வேட்பாளராக அறிவித்துள்ளது கட்சி தலைமை.
பாஜக, காங்கிரஸ், ஆளும் சமாஜ்வாதி, மாயாவதியின் பகுஜன் சமாஜ் கட்சி என உ.பி. தேர்தலில் நான்கு முனை போட்டி ஏற்படப்போவது இதன் மூலம் உறுதியாகியுள்ளது.
Click it and Unblock the Notifications
Sign in with Google