”100 வடா பாவ்” இலவசமாக கொடுக்காத கடைக்காரரை அடித்த சிவசேனா உறுப்பினர்- வைரலாகும் வீடியோ

Updated: Tuesday, March 1, 2016, 15:34 [IST]

Subscribe to Oneindia Tamil

மும்பை: மும்பையில் சிவசேனா கட்சி உறுப்பினர் ஒருவர் கடைக்காரர் ஒருவரை அடித்துத், துவைத்த சம்பவம் பெரும் பரபரப்பினை ஏற்படுத்தியுள்ளது. இச்சம்பவம் வீடியோ காட்சியாக சமூக வலைதளங்களில் வைரலாக பரவி வருகின்றது.

சிவ சேனா கட்சியின் இளைஞர் அணியினைச் சேர்ந்த உறுப்பினர் சுனில் மகாதிக். இவர் ஜூகுவில் அமைந்துள்ள கடை ஒன்றில் இலவசமாக 100 வடா பாவ் (வடையும், காய்கறிகளும் இணைந்த பர்கர் போன்ற உணவு) என்னும் உணவுப் பொருளை இலவசமாக கேட்டுள்ளார்.

{ventuno}

அதற்கு அந்த கடை உரிமையாளர் மறுப்புத் தெரிவித்ததையடுத்து தன்னிலையை இழந்த சுனில் அவரை மூங்கில் கழி ஒன்றினால் அடித்துத் துவைத்துள்ளார். இது அங்கிருந்த சிசிடிவி கேமராவில் பதிவாகியுள்ளது.

இதனையடுத்து சிசிடிவி வீடியோவை ஆதாரமாக வைத்துக் கொண்டு அக்கடைக்காரர் புகார் அளித்ததைத் தொடர்ந்து ஜூகு காவல்நிலையத்தில் அவர் மீது முதல் தகவல் அறிக்கை பதிவு செய்யப்பட்டுள்ளது. மேலும், விரைவில் விசாரணைக்காக சுனில் கைதாவார் என்பதும் குறிப்பிடத்தக்கது.