உலகின் சக்திவாய்ந்தவர்கள் பட்டியல்: சோனியாவுக்கு 21, மன்மோகனுக்கு 28வது இடம்

நியூயார்க்: போர்ப்ஸ் பத்திரிக்கை உலகின் சக்திவாய்ந்த் அரசியல் தலைவர்கள், தொழில் அதிபர்கள், மாநில தலைவர்களின் பட்டியலை வெளியிட்டுள்ளது. அதில் உலகின் சக்திவாய்ந்த் பெண்களில் காங்கிரஸ் தலைவர் சோனியா காந்திக்கு 3வது இடம் கிடைத்துள்ளது.

போர்ப்ஸ் பத்திரிக்கை உலகின் சக்திவாய்ந்த மனிதர்களின் பட்டியலை வெளியிட்டுள்ளது. 72 பெயர்கள் அடங்கிய இந்த பட்டியலில் அரசியல் தலைவர்கள், மாநில தலைவர்கள் மற்றும் தொழில் அதிபர்கள் இடம்பெற்றுள்ளனர்.

இந்த பட்டியலில் காங்கிரஸ் தலைவர் சோனியா காந்தியின் பெயர் உள்ளது.

21வது இடம்

உலகின் சக்திவாய்ந்தவர்கள் பட்டியலில் காங்கிரஸ் தலைவர் சோனியா காந்திக்கு 21வது இடம் கிடைத்துள்ளது.

மன்மோகன்

உலகின் சக்தி வாய்ந்த மனிதர்கள் பட்டியலில் பிரதமர் மன்மோகன் சிங்கிற்கு 28வது இடம் தான் கிடைத்துள்ளது.

3வது சக்தி வாய்ந்த பெண்

இந்த பட்டியலில் சோனியா காந்திக்கு முன்பு ஜெர்மனி அதிபர் ஏஞ்சலா மெர்க்கல் மற்றும் பிரேசில் அதிபர் டில்மா ரூசெப் ஆகிய 2 பெண்கள் மட்டுமே உள்ளனர். இதன் மூலம் உலகின் 3வது சக்திவாய்ந்த பெண்ணாக சோனியா உள்ளார்.

9வது இடம்

உலகின் அதிகாரமிக்க 100 பெண்களின் பெயர்கள் அடங்கிய பட்டியலை போர்ப்ஸ் பத்திரிக்கை தனியாக வெளியிட்டுள்ளது. அந்த பட்டியலில் சோனியா காந்திக்கு 9வது இடம் கிடைத்துள்ளது.

English summary

Congress president Sonia Gandhi was ranked 21st among the world's most powerful people by Forbes magazine on Wednesday, making her the third most influential of women leaders included in the list.