ஸ்பைஸ்ஜெட் வழங்கும் இன்னொரு அதிரடி கட்டணக் குறைப்பு - ரூ. 1899க்கு டிக்கெட் ஸ்டார்ட்ஸ்!
டெல்லி: ஸ்பைஸ்ஜெட் நிறுவனம் இன்று இன்னும் ஒரு கட்டணக் குறைப்பை அறிவித்துள்ளது. மேற்கு மற்றும் தெற்குப் பிராந்திய விமானங்களில் குறைந்த தொடக்க நிலை கட்டணம் ரூபாய் 1899 மட்டுமே என்று அது அறிவித்துள்ளது.
இதுகுறித்து ஸ்பைஸ்ஜெட் வெளியிட்டுள்ள அறிக்கையில், "ரெட் ஹாட் கட்டணமாக ரூபாய் 1899 என்ற தொடக்க நிலைக் கட்டணத்தை நாங்கள் அறிமுகம் செய்துள்ளோம். மும்பை -கோவா, அகமதாபாத் - மும்பை, பெங்களூர் - ஹைதராபாத், சென்னை -பெங்களூர், புனே -பெங்களூர் உள்ளிட்ட பிரிவுகளில் இந்த கட்டணக் குறைப்பு பொருந்தும்.
3 நாட்களுக்கான டிக்கெட் விற்பனை தொடங்கியுள்ளது. ஜூலை 8 ஆம் தேதி வரை புக்கிங்கை மேற்கொள்ளலாம்" என்று கூறப்பட்டுள்ளது.
மேலும் இந்த குறைந்த கட்டணத்துக்காக பயண கால அளவு ஜூலை 15 முதல் செப்டம்பர் 30 ஆம் தேதி வரை நீட்டிக்கப்பட உள்ளதாகவும் ஸ்பைஸ்ஜெட் தெரிவித்துள்ளது. ஸ்பைஸ்ஜெட் விமான நிறுவன இணையதளம், ஆன்லைன் டிராவல் போர்ட்டல்கள், சுற்றுலா ஏஜென்டுகளிடம் புக் செய்யலாம் என்றும் தெரிவிக்கப்பட்டுள்ளது. ஒரே மாதத்தில் கட்டணச் சலுகையை ஸ்பைஸ்ஜெட் அறிவிப்பது இது 2 ஆவது முறையாகும்.
Click it and Unblock the Notifications
Sign in with Google