Click it and Unblock the Notifications
Don't Miss
-
Aadhaar Update Cost: இனி ஆதார் அட்டையில் பெயர், முகவரி, போட்டோ மாற்ற கட்டணம்.. எவ்வளவு தெரியுமா? -
LSG v CSK-சிஎஸ்கேக்கு பாதகமாக விழுந்த டாஸ்..பிளேயிங் லெவனில் அதிரடி மாற்றம்..பேட்டிங்கிலும் சர்பரைஸ் -
வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை? -
நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்! -
Sivakarthikeyan: நடிகர் சங்க கட்டட பணிகளுக்கு நடிகர் சிவகார்த்திகேயன் ரூ.50 லட்சம் நிதியுதவி! -
உங்களுக்கு இந்த அறிகுறிகள் அதிகம் தெரியுதா? அப்ப உடம்புல தண்ணீர் ரொம்ப கம்மியா இருக்கு-ன்னு அர்த்தம்... உஷார். -
புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...! -
இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஒடிஸாவின் பாரதீப்பில் சூறாவளி காற்று வீசும்.. கனமழை பெய்யும் - இந்திய வானிலை மையம்
புவனேஸ்வரம்: ஒடிஸாவின் பாரதீப்பில் சூறாவளி காற்று வீசும், கனமழை பெய்யும் என இந்திய வானிலை மையம் எச்சரிக்கை விடுத்துள்ளது.
யாஸ் புயல் ஒடிஸா அருகே கரையை கடக்கும் என வானிலை மையம் தெரிவித்துள்ளது. வங்கக் கடலில் வடமேற்கு பகுதியில் புயல் மையம் கொண்டிருக்கிறது. தம்ரா துறைமுகத்திற்கு 40 கி.மீ. தொலைவிலும் பாலசோரிலிருந்து தென்கிழக்கே 90 கி.மீ. தூரத்திலும் புயல் உள்ளது.
இந்த புயல் இன்று மதியம் கரையை கடக்கிறது. இந்த புயலால் பாரதீப் பகுதிகளில் மிக அதிக கனமழைக்கு வாய்ப்பிருப்பதாக வானிலை மையம் தெரிவித்துள்ளது. இந்த புயல் கரையை கடக்கும் போது மணிக்கு 185 கி.மீ வேகத்திற்கு காற்று வீசும்.
ஒடிஸா
கொரோனா விதிகளுடன் ஒடிஸாவிலிருந்து 7 முதல் 8 லட்சம் பேர் பாதுகாப்பான இடங்களுக்கு அனுப்பி வைக்கப்பட்டுள்ளார்கள். ஒடிஸாவின் கடலோர பகுதிகளில் கனமழைக்கு வாய்ப்புள்ளதாக வானிலை மையம் தெரிவித்துள்ளது.
விசாகப்பட்டினம்
மீட்பு பணிகளுக்காக விசாகப்பட்டினத்தில் ஐஎன்எஸ் தீகா, ஐஎன்எஸ் ராஜாளி ஆகிய இந்திய கடற்படை விமானங்கள் தயார் நிலையில் உள்ளன. கொல்கத்தா, வடக்கு 24 பர்கானா, தெற்கு 24 பர்கானா ஆகிய 3 மாவட்டங்களில் மேற்கு வங்க வனத்துறை சார்பில் 16 குழுக்கள் அமைக்கப்பட்டுள்ளன.
மின் தடை
அதுபோல் புயல் பாதிக்கும் இடங்களில் மின் தடை ஏற்பட்டவுடன் அதை சரி செய்ய ஊழியர்கள் தயார் நிலையில் உள்ளார்கள். மேற்கு வங்கத்தில் பெரும்பாலான இடங்களில் மிதமானது முதல் லேசான மழை பெய்யும். மேதினிபூர் பகுதிகளில் மிக அதிக கனமழை பெய்யும்.
கடல் சீற்றம்
அது போல் பங்குரா, ஜார்காம், தெற்கு 24 பர்கானா பகுதிகளில் அதிக கனமழை முதல் மிக அதிக கனமழை பெய்ய வாய்ப்புள்ளது. மேதினிபூர் மாவட்டத்தில் புர்பாவில் திகா பகுதிகளில் கடல் சீற்றத்துடன் காணப்படுகிறது.
|
கொல்கத்தா
இன்று காலை 6.19 மணி நிலவரப்படி திகா பகுதிகளில் மணிக்கு 88 கி.மீ. வேகத்திலும் கொல்கத்தாவில் மணிக்கு 62 கி.மீ. வேகத்திலும் பிராசர்கஞ்சில் மணிக்கு 68 கி.மீ. வேகத்திலும் காற்று வீசும். ஒடிஸாவின் பாரதீப் பகுதியில் சூறாவளி காற்றும் கனமழையும் பெய்யும்.
