தமிழகத்தில் இருந்து அயோத்திக்கு பட்டாசுடன் சென்ற லாரியில் திடீர் தீ- 3 மணிநேரம் வெடித்து சிதறின!
உன்னாவ்: தமிழ்நாட்டில் இருந்து அயோத்தி ராமர் கோவில் திறப்பு விழாவுக்காக பட்டாசுகளை ஏற்றி சென்ற லாரி நடுவழியில் திடீரென தீ பிடித்து எரிந்தது. இதனால் லாரியில் இருந்த பட்டாசுகள் 3 மணிநேரம் வெடித்து சிதறின. பின்னர் தீயணைப்புத் துறையினர் போராடி தீயை அணைத்தனர்.
அயோத்தியில் ராமர் கோவில் திறப்பு விழா வரும் 22-ந் தேதி நடைபெற உள்ளது. இதற்கான நிகழ்வுகள் முழு வீச்சில் நடைபெற்று வருகின்றன. அயோத்தி ராமர் கோவில் திறப்பு விழாவை முன்வைத்து ஏராளமான சர்ச்சைகளும் வெடித்திருக்கின்றன. ராமர் கோவிலையே கட்டி முடிக்காமல் திறக்கிறார்கள் என்பது ஒரு சர்ச்சை. லோக்சபா தேர்தலுக்காக அரசியல் செய்கிறது பாஜக என்பது மற்றொரு சர்ச்சை.
மத்தியில் ஆளும் பாஜக அரசு, அயோத்தி ராமர் கோவில் திறப்பு விழாவை பெரும்பாலான அரசியல் கட்சிகள் புறக்கணித்துள்ளன. காங்கிரஸ், திமுக உள்ளிட்ட "இந்தியா" கூட்டணிகளில் பல வெளிப்படையாகவே பாஜகவின் அரசியலை விமர்சனம் செய்து அயோத்தி ராமர் கோவில் திறப்பு விழாவில் பங்கேற்கவில்லை எனவும் அறிவித்துள்ளன. சங்கராச்சாரியார்களோ, சனாதன தர்மத்தை முறையாக பின்பற்றவில்லை என குற்றம்சாட்டுகின்றனர்.
#राम #मंदिर की #प्राण #प्रतिष्ठा के वक्त आतिशबाजी होगी.. उसके लिए पटाखों से भरा ट्रक #अयोध्या जा रहा था!#उन्नाव के पास टिक में आग 🔥 लग गई, सारा ट्रक चलकर ख़ाक हो गया!!#कोहरे में भी दूर दूर तक आतिशबाजी देखी गई!!#AyodhyaSriRamTemple #RamMandirPranPratishta pic.twitter.com/ZiQqaMnUuI
— PRIYA RANA (@priyarana3101) January 17, 2024
இந்த சர்ச்சைகளுக்கு நடுவே ராமர் கோவில் திறப்பு விழாவில் பங்கேற்கும் பிரதமர் மோடி, நாடு முழுவதும் பல்வேறு கோவில்களுக்கு சென்று வழிபாடு நடத்தி வருகிறார். தமிழ்நாட்டின் ஶ்ரீரங்கம், ராமேஸ்வரம் கோவில்களிலும் பிரதமர் மோடி தரிசனம் செய்ய உள்ளார்.
இதனிடையே தமிழ்நாட்டில் இருந்து உத்தரப்பிரதேச மாநிலம் அயோத்திக்கு பட்டாசுகளை ஏற்றி சென்ற லாரி நேற்று இரவு உன்னாவ் மாவட்டம் கார்கி கேடா என்ற கிராமத்தின் வழியாக சென்ற போது திடீரென தீ பிடித்து எரிந்தது. அப்போது லாரியில் இருந்த பட்டாசுகள் இடைவிடாமல் வெடித்து சிதறின. இதனால் அந்த லாரி 3 மணிநேரமாக கொழுந்து விட்டு எரிந்தது. தீயை அணைக்க முடியாமல் தீயணைப்பு வீரர்கள் பெரும் போராட்டம் நடத்தினர். 3 மணிநேரத்துக்கும் மேலாக பற்றி எரிந்த தீ ஒருவழியாக போராடி அணைக்கப்பட்டது.
Click it and Unblock the Notifications
Sign in with Google