அசாமில் அசத்தல் வெற்றி பெற்ற பாஜக.. போட்டி அளிக்காமல் அடிபணிந்த காங்கிரஸ்!
கவுகாத்தி: அசாமில் பாஜக 75 இடங்களில் அபார வெற்றி பெற்றது. காங்கிரஸ் 50 இடங்களில் வெற்றி பெற்றது.
இதனால் அசாமில் தொடர்ந்து இரண்டாவது முறையாக பாஜக ஆட்சி அமைக்கிறது.
அசாம் தேர்தல்
123 சட்டமன்ற தொகுதிகளை கொண்ட அசாம் மாநிலத்தில் மூன்று கட்டங்களாக தேர்தல் நடைபெற்றது. இதில் பதிவான வாக்குகள் காலை முதல் எண்ணப்பட்டன. தற்போது வாக்கு எண்ணிக்கை இறுதி கட்டத்தை எட்டியுள்ளது.
பாஜக அதிரடி வெற்றி
பாஜக அசாமில் தொடர்ந்து இரண்டாவது முறையாக ஆட்சியை கைப்பற்றி உள்ளது. அதாவது அசாமில் பாஜக 75 இடங்களில் அபார வெற்றி பெற்றுள்ளது. கடும் போட்டி கொடுக்கும் என்று எதிர்பாக்கப்பட்ட காங்கிரஸ் கட்சி 50 இடங்களில் மட்டுமே வெற்றி பெற்றது.
மோடி பிரசாரம்
அசாமில் பிரதமர் நரேந்திர மோடி, உள்துறை அமைச்சர் அமித்ஷா ஆகியோர் பலகட்டமாக சென்று பிரசாரத்தில் ஈடுபட்டனர். இது பாஜகவுக்கு நல்ல பலனை கொடுத்துள்ளது. அசாமில் மத்திய அரசின் சி.ஏ.ஏ. மற்றும் என்.ஆர்.சி. பெரும் பிரச்சினையாக உருவெடுத்தது.
போராட்டத்தை மீறி வெற்றி
ஏராளமான மக்கள் போராட்டங்களில் ஈடுபட்டனர். இதனால் இந்த தேர்தலில் இது எதிரொலிக்கும் என்று கருதப்பட்டது. ஆனால் இதை எல்லாம் மீறி பாஜக அபார வெற்றி பெற்றுள்ளது. அசாமில் வெற்றி பெற்ற போதிலும் கேரளா, தமிழ்நாடு, மேற்கு வங்கத்தில் பாஜக படுதோல்வி அடைந்தது குறிப்பிடத்தக்கது.
Click it and Unblock the Notifications
Sign in with Google