ரூபாய் நோட்டு தட்டுப்பாடு: நாடு முழுவதும் சுங்க கட்டணங்கள் நவ. 18 நள்ளிரவு வரை ரத்து!
சுங்க கட்டணங்கள் நவம்பர் 18-ந் தேதி நள்ளிரவு வரை ரத்து செய்யப்பட்டுள்ளது.
டெல்லி: நாடு முழுவதும் தேசிய நெடுஞ்சாலைகளில் நவம்பர் 18-ந் தேதி வரை சுங்க கட்டணத்தை ரத்து செய்து மத்திய அரசு அறிவித்துள்ளது.
நவம்பர் 8-ந் தேதி நள்ளிரவு முதல் ரூ500, ரூ1,000 நோட்டுகள் செல்லாது என பிரதமர் மோடி அறிவித்தார். இதனையடுத்து நாடு தழுவிய அளவில் பணப்புழக்கம் தடைபட்டுப் போயுள்ளது.
பழைய ரூபாய் நோட்டுகளை மாற்ற முடியாமலும் தேவைக்கேற்ப வங்கி மற்றும் ஏடிஎம்களில் பணத்தை எடுக்க முடியாமலும் 1 வாரகாலமாக பொதுமக்கள் அவதிப்பட்டு வருகின்றனர். இதனால் நாடு தழுவிய அளவில் சுங்கக் கட்டணங்களை ரத்து செய்வதாக மத்திய அரசு அறிவித்தது.
இந்த சுங்கக் கட்டண ரத்து இன்று நள்ளிரவு வரை நீட்டிக்கப்பட்டிருந்தது. இந்த நிலையில் மேலும் 4 நாட்களுக்கு அதாவது நவம்பர் 18-ந் தேதி வரை தேசிய நெடுஞ்சாலைகளில் சுங்க கட்டணங்கள் ரத்து செய்யப்படும் என்று மத்திய சாலை போக்குவரத்து துறை அமைச்சர் நிதின் கட்காரி அறிவித்துள்ளார்.
Click it and Unblock the Notifications
Sign in with Google