மத்திய தொழிலாளர் துறை அமைச்சர் சிஸ்ராம் ஓலே காலமானார்
டெல்லி: மத்திய தொழிலாளர் மற்றும் பணி நியமனத் துறை அமைச்சரான சிஸ் ராம் ஓலே உடல் நலக் குறைபாடு காரணமாக நேற்று மரணமடைந்தார்.
காங்கிரஸின் மூத்த தலைவர்களில் ஒருவர்ரும், மத்திய தொழிலாளர் மற்றும் பணி நியமனத் துறை அமைச்சருமான 86 வயது சிஸ் ராம் ஓலே இதயகோளாறு உள்ளிட்ட பல்வேறு உடல்நிலைப் பிரச்சினைகளால் நீண்ட காலமாக அவதியுற்று வந்தார்.
இந்நிலையில், குர்காவ் மருத்துவமனையில் சிகிச்சை பெற்று வந்த அவர் நேற்று சிகிச்சைப் பலனின்றி உயிரிழந்தார்.
இவர் ராஜஸ்தான் மாநில நாடாளுமன்றத் தொகுதியில் வெற்றி பெற்று மக்களவைக்கு தேர்வு செய்யப்பட்டவர். மேலும், கடந்த 1996-ல் இருந்து சிஸ் ராம் ஓலே, வெவ்வேறு காலக்கட்டத்தில் மத்திய அமைச்சரவையில் இடம்பெற்றவர் என்பது குறிப்பிடத்தக்கது.
அன்னாரது உடலுக்கு பிரதமர் மன்மோகன் சிங் மற்றும் காங்கிரஸ் தலைவர் சோனியாகாந்தி ஆகியோர் மலர் வளையம் வைத்து அஞ்சலி செலுத்தினர். மேலும், சிஸ் ராம் ஓலேயை இழந்து வாடும் அவரது குடும்பத்தாருக்கு அவர்கள் ஆறுதல் கூறினார்கள்.
மத்திய அமைச்சரின் மறைவை ஒட்டி, இன்று இரங்கல் கூட்டத்தோடு அவை ஒத்தி வைக்கப் படும் எனத் தெரிகிறது.
Click it and Unblock the Notifications
Sign in with Google