விளையாடியபோது குக்கருக்குள் சிக்கிய 5 வயது சிறுவனின் தலை: தீயாக பரவும் வீடியோ
போபால்: மத்திய பிரதேசத்தில் 5 வயது சிறுவனின் தலை குக்கருக்குள் சிக்கிக் கொண்டதால் பரபரப்பு ஏற்பட்டது.
மத்திய பிரதேச மாநிலத்தில் உள்ள நரசிங்பூர் பகுதியைச் சேர்ந்த 5 வயது சிறுவன் வீட்டில் இருந்த குக்கரை எடுத்து விளையாடிக் கொண்டிருந்தான். திடீர் என சிறுவன் குக்கருக்குள் தலையை விட்டுப் பார்த்தான். எதிர்பாராவிதமாக சிறுவனின் தலை குக்கருக்குள் சிக்கிக் கொண்டது.
5-year old child gets his head stuck in a pressure cooker in Narsinghpur (MP), rescued safely. pic.twitter.com/0dZ2xt5hQE
— ANI (@ANI_news) September 6, 2015 தலையை வெளியே எடுக்க முடியாமல் சிறுவன் கதறி அழத் துவங்கினான். இதையடுத்து அவனது பெற்றோர் அவனின் தலையை குக்கரில் இருந்து எடுக்க எவ்வளவோ முயன்றும் முடியவில்லை. இதற்குள் சிறுவனின் அழுகுரல் கேட்டு அக்கம் பக்கத்தினர் ஓடி வந்தனர்.
அவர்களும் சிறுவனின் தலையை குக்கரில் இருந்து எடுக்க முயன்றனர், மணிக்கணக்கில் தலை குக்கருக்குள் சிக்கியதால் சிறுவன் வலியால் துடித்தான். இதையடுத்து மெட்டல் கட்டரால் குக்கரை வெட்டி சிறுவனின் தலையை பத்திரமாக வெளியே எடுத்தனர்.
இந்த சம்பவத்தின்போது எடுக்கப்பட்ட வீடியோ இணையதளங்களில் வெளியாகியுள்ளது.
Click it and Unblock the Notifications
Sign in with Google