வா.. செல்லம், நாம அங்க போய் கல்யாணம் பண்ணிக்கலாம்...!

Published: Friday, November 15, 2013, 10:42 [IST]

Subscribe to Oneindia Tamil

டெல்லி: திருமணம்... வழக்கம் போல கல்யாண மண்டபத்தில் நடத்தி, வரிசையாக உற்றார் உறவினர்கள் நண்பர்கள் வந்து நின்று கை குலுக்கி விஷ் பண்ணி, பரிசைக் கொடுத்து விட்டு ரெடியாக இருக்கும் சாப்பாட்டை ஒரு பிடி பிடித்து விட்டு நடையைக் கட்ட.. போட்டோவுக்கு மாலையும், கையுமாக போஸ் கொடுத்து ஆய்ந்து ஓய்ந்து உட்கார்ந்து.. இது போரடிக்குதன்னு நினைக்கிறீங்களா.. அப்ப உங்க மெனுவை மாத்துங்க...

திருமணம் செய்வதற்காக இப்போதெல்லாம் பலர் விதம் விதமான லொகேஷன்களைத் தேடத் தொடங்கி விட்டனர். வழக்கம் போல கல்யாணம் செய்யாமல் வித்தியாசமாக செய்து பார்க்க விரும்புகிறார்கள் இன்றைய இளம் தலைமுறையினர்.

அப்படிப்பட்டவர்களுக்காக இங்கே சில இடங்களைத் தொகுத்துத் தருகிறோம்.. உங்க செல்லத்துடன் அங்கு போய் திருமணம் செய்ய வாய்ப்பிருக்கிறதா என்று பாருங்கள்..

கோவா ஓ.கேவா..

இந்தியர்களிடம் போய் உங்களுக்குப் பிடிச்ச ஊர் எது என்று கேட்டால் முதல் பெயராக கோவாவைத்தான் சொல்கிறார்கள். அப்படி ஒரு அம்சமான ஸ்பாட்தான் கோவா. இங்கு நிறையப் பேர் திருமணம் செய்யவும், ஹனிமூனைக் கொண்டாடவும் தேர்வு செய்கின்றனர். எனவே இது ஒரு அருமையான லொகேஷன்.

சிம்லா எப்படி

அதேபோல இந்தியர்களுக்குப் பிடித்த இன்னொரு ஊர் சிம்லா. இங்கு சுற்றுலா செல்ல மட்டுமல்லாமல், திருமணம் செய்து கொள்ளவும், அப்படியே ஹனிமூனையும் முடித்துக் கொள்ளவும் பலர் விரும்புகிறார்கள்.

அந்தமான் சரிப்பட்டு வருமா...

அந்தமான் நிக்கோபார் தீவுகளில் உள்ள ஹேவ்லாக் தீவு ஒரு அருமையான இடம். இங்கு நிறையப் பேர் திருமணம் செய்ய விரும்புகிறார்களாம். கல்யாணத்தை முடித்த கையோடு வெள்ளை நிற மணற்பரப்பில் கை கோர்த்தபடி நடந்து எதிர்காலக் கனவில் மூழ்குவது எவ்வளவு ஜாலியாக இருக்கும்...

வெளிநாடுகளில் என்ன இருக்கு...

உள்ளூரில் இதுபோல நிறைய இருக்கிறது. ஆக்ராவில் கூட தாஜ்மஹாலையொட்டி நிறைய ரிசார்ட்கள் இருக்கின்றன.அங்கு கூட பலர் திருமணத்திற்காக வருகிறார்கள். அதேபோல வெளிநாடுகளிலும் பட்ஜெட்டுக்கேற்ப நிறையவே இருக்கிறது.

அல் பஸ்தான் ரொடானா.. துபாய்

இது ஒரு பைவ் ஸ்டார் ஹோட்டல். துபாயில் இருக்கிறது. இங்கு நிறையப் பேர் திருமணம் செய்து கொள்ள வருகிறார்களாம். அருமையான சூழல் இந்த ஹோட்டலி்ல இருப்பதே இதற்குக் காரணம்.

தீவு வேணுமா.. ரசா சயாங் இருக்கே

மலேசியாவன் பினாங்கில் உள்ள ரசா சயாங் ரிசார்ட் மற்றும் ஸ்பா அருமையான ஒரு திருமணத்திற்கேற்ற தீவுத் திடல்... முழுமையாக ஏசி செய்யப்பட்ட ரிசார்ட்டும், அரங்குமும் இணைந்தது இது கிட்டத்தட்ட 30 ஏக்கரில் இது பரவிக் கிடக்கிறது. கடலைப் பார்த்தபடி இருக்கும் இந்த ரிசார்ட்டுக்கு வந்து நிறையப் பேர் திருமணம் செய்து கொள்கிறார்கள்.