மேற்கு வங்கத்தில் அடித்து துக்கிய பாஜக! ஓரங்கட்டப்பட்ட மம்தா பானர்ஜி! மிகப்பெரிய ட்விஸ்ட்
கொல்கத்தா: மேற்கு வங்கத்தில் 2 கட்டங்களாக சட்டமன்ற தேர்தல் நடைபெற்று முடிந்திருக்கும் நிலையில், இன்று வாக்கு எண்ணிக்கை நடைபெற்று வருகிறது. கருத்துக்கணிப்புகள் ஆளும் திரிணாமுல் காங்கிரஸுக்கு எதிராக வந்திருந்ததால் தேர்தல் முடிவு குறித்து பெரிய எதிர்பார்ப்பு எழுந்திருக்கிறது.
வாக்கு எண்ணிக்கை காலை 8 மணிக்கு தொடங்கியது. தேர்தல் பணியில் இருந்த அரசு ஊழியர்கள், ராணுவத்தினர் மற்றும் 85 வயதிற்கு மேற்பட்ட முதியவர்கள் அளித்த தபால் வாக்குகள் முதலில் எண்ணப்பட்டன.
தபால் வாக்குகள் எண்ணத் தொடங்கிய 30 நிமிடங்களுக்குப் பிறகு, அதாவது காலை 8:30 மணிக்கு மின்னணு வாக்குப்பதிவு இயந்திரங்களில் (EVM) பதிவான வாக்குகள் எண்ணப்பட்டன.
தற்போதைய நிலவரப்படி மம்தா பானர்ஜி போட்டியிட்ட பவானிப்பூர் தொகுதியில், அவர் முன்னணியில் இருக்கிறார். பாஜகவின் சுவேந்து அதிகாரி தான் போட்டியிட்ட தொகுதியான நந்திகிராமில் முன்னிலையில் இருக்கிறார்.
பாஜக 35ல் வெற்றி 170ல் முன்னிலை
திரிணாமுல் காங்கிரஸ் 13ல் வெற்றி 69ல் முன்னிலை
இதரவை 6 தொகுதிகளில் முன்னிலையில் இருக்கிறது
களம் எப்படி இருக்கிறது?
மேற்கு வங்கத்தை பொறுத்தவரை கடந்த 15 ஆண்டுகளாகவே திரிணாமுல் காங்கிரஸ்தான் ஆட்சியில் இருக்கிறது. வழக்கமாக நீண்ட காலம் ஆட்சியில் இருக்கும் கட்சிக்கு எதிரான மனநிலை மக்களிடையே இருக்கும். இதை பாஜக சரியாக பயன்படுத்திக்கொண்டிருக்கிறது. எனவே மேற்கு வங்கம் பாஜக vs திரிணாமுல் காங்கிரஸ் என மாறியிருக்கிறது.
இதில் கவனிக்க வேண்டிய விஷயம் தேர்தலுக்கு பிந்தைய கருத்துக்கணிப்புகள்தான். பொதுவாக இந்த கணிப்புகளில் எந்த அரசு ஆட்சி அதிகாரத்திற்கு வரும்? என்பது தெரிந்துவிடும். ஆனால் மேற்கு வங்க தேர்தல் நிலவரம் குறித்து வெளியான கணிப்புகள் மாறுபட்டவையாக இருந்தன. சில கணிப்புகள் பாஜகதான் அதிகாரத்திற்கு வரும் என கூறியிருந்தன. ஒரு சில கணிப்புகள் மம்தாவுக்கு ஆதரவாக இருந்தன.
தேர்தல் சர்ச்சை
ஆனால், இந்தமுறை வாக்கு சதவிகிதம் அதிகரித்திருந்தது கவனம் பெற்றிருக்கிறது. இம்முறை மேற்கு வங்கத்தில் வரலாறு காணாத அளவில் 92.93% வாக்குகள் பதிவாகியுள்ளன. இது 2011-ல் பதிவான சாதனையை முறியடித்துள்ளது. தேர்தல் ஆணையம் சுமார் 90 லட்சம் வாக்காளர்களைப் பட்டியலில் இருந்து நீக்கியது (Special Intensive Revision) மிகப்பெரிய அரசியல் சர்ச்சையாக வெடித்தது.
நட்சத்திர தொகுதிகள்
பவானிபூர்: முதலமைச்சர் மம்தா பானர்ஜி மற்றும் சுவேந்து அதிகாரி மீண்டும் ஒருமுறை நேருக்கு நேர் மோதும் தொகுதி என்பதால் இது இந்தியாவின் கவனத்தை ஈர்த்துள்ளது.
டைமண்ட் ஹார்பர் & ஜாதவ்பூர்: திரிணாமுல்லின் இளம் தலைவர்களுக்கும் இடதுசாரிகளுக்கும் இடையே கடும் போட்டி நிலவும் தொகுதிகள் ஆகும்.
Click it and Unblock the Notifications
Sign in with Google