டிச.30ல் திறப்பு.. அயோத்தி புதிய விமான நிலையத்தின் பெயர் என்ன தெரியுமா? அட இது லிஸ்ட்லயே இல்லையே

அயோத்தி: அயோத்தியில் பிரமாண்டமாக கட்டப்பட்டுள்ள புதிய விமான நிலையமத்தை டிசம்பர் 30ம் தேதி பிரதமர் நரேந்திர மோடி திறந்து வைக்க உள்ளார். இந்நிலையில் தான் விமான நிலையத்துக்கு சூட்டப்படும் பெயர் குறித்த முக்கிய தகவல் வெளியாகி உள்ளது.

நீண்டகால சட்ட போராட்டத்துக்கு பிறகு உத்தர பிரேதச மாநிலம் அயோத்தியில் ராமர் கோவில் கட்ட உச்சநீதிமன்றம் உத்தரவிட்டது. இதையடுத்து அயோத்தியில் பிரமாண்டமாக ராமர் கோவில் கட்டப்பட்டு வருகிறது. கோவிலில் முதற்கட்ட பணிகள் முடிவடைந்துள்ளது.

இதையடுத்து அயோத்தி ராமர் கோவிலுக்கு 2024 ஜனவரி மாதம் 22ம் தேதி கும்பாபிேஷகம் நடைபெற உள்ளது. அன்றைய தினம் பிரதமர் நரேந்திர மோடி பங்கேற்கு ராமர் சிலையை கோவில் கருவறைக்கு எடுத்து வர உள்ளார்.

இந்த விழாவை பிரமாண்டமாக நடத்தப்பட உள்ளது. இதில் ஏராளமான அரசியல் தலைவர்கள், வெளிநாடு பிரதிநிதிகள், சாமியார்கள், மடாதிபதிகள் பங்கேற்க உள்ளனர். விழாவுக்கான ஏற்பாடுகள் தீவிரமாக மேற்கொள்ளப்பட்டுள்ளது. இந்நிலையில் அயோத்தியில் ராமர் கோவிலுக்கு இனி வரும் காலங்களில் அதிகளவில் பக்தர்கள் வருகை தருவார்கள். இதனால் பக்தர்களுக்கு தேவையான போக்குவரத்து வசதிகள் செய்து கொடுக்கப்பட்டு வருகிறது.

அதன்படி அயோத்தி ரயில் நிலையம் மேம்படுத்தப்பட்டுள்ளது. மேலும் அயோத்தியில் புதிய விமானம் நிலையம் அமைக்கப்பட்டுள்ளது. மொத்தம் 821 ஏக்கர் பரப்பளவில் பிரமாண்டமாக விமான நிலையம் அமைக்க முடிவு செய்யப்பட்டது. முதற்கட்டமாக 65,000 சதுர அடியில் விமான முனையம் கட்டப்பட்டுள்ளது. விமானங்களின் ஓடுபாதை 2,200 மீட்டரில் அமைக்கப்பட்டுள்ளது. மேலும் அயோத்தியின் பாரம்பரியத்தை பிரதிபலிக்கும் வகையில் விமான நிலையம் உருவாக்கப்பட்டுள்ளது.

இந்த புதிய விமானநிலையத்தை பிரதமர் நரேந்திர மோடி டிசம்பர் 30ம் தேதி திறந்து வைக்க உள்ளார். இந்நிலையில் தான் விமான நிலையத்துக்கு மத்திய அரசு சார்பில் ‛மகரிஷி வால்மிகி சர்வதேச விமான நிலையம் அயோத்திதாம்' என்ற பெயர் சூட்ட முடிவு செய்யப்பட்டுள்ளது. வால்மிகி என்பது ராமாயணத்தை எழுதினார். இவரது ராமாயணம் தற்போது பல்வேறு மொழிகளில் மொழி பெயர்க்கப்பட்டுள்ளது. இந்நிலையில் தான் வால்மிகிக்கு பெருமை சேர்க்கும் வகையில் அவரது பெயர் விமான நிலையத்துக்கு வைக்க மத்திய அரசு முடிவு செய்துள்ளது.

இந்த புதிய விமான நிலையம் டிசம்பர் 30ம் தேதி திறக்கப்பட்டாலும் கூட விமான சேவை என்பது 2024 ஜனவரி 2024ல் தான் தொடங்க உள்ளது. அன்றைய தினம் டெல்லி, மும்பை, கொல்கத்தா, ஹைதராபாத், பெங்களூரு, உள்ளிட்ட முக்கிய நகரங்களுக்கு விமான சேவை தொடங்க உள்ளது. அதன்பிறகு விமான சேவை சென்னை உள்ளிட்ட பிற நகரங்களுக்கும் விரிவுப்படுத்தப்பட உள்ளது என்பது குறிப்பிடத்தக்கது.

English summary

Prime Minister Narendra Modi will inaugurate the grand new airport in Ayodhya on December 30. It is in this context that the central government has decided to name the airport as Maharishi Valmiki International Airport Ayodhyadham.