''மோடிக்கு காங்கிரஸ் குழி தோண்டினால் அதில் ராகுல் குதிச்சிடுறாரே''!

By Siva

Published: Tuesday, January 28, 2014, 16:12 [IST]

Subscribe to Oneindia Tamil

டெல்லி: காங்கிரஸ் துணை தலைவர் ராகுல் காந்தி அளித்த பேட்டி பற்றி ட்விட்டரில் பலர் காமெடியாக ட்வீட் செய்துள்ளனர்.

காங்கிரஸ் துணை தலைவர் ராகுல் காந்தி டெல்லியில் தனியார் தொலைக்காட்சி ஒன்றுக்கு பேட்டியளித்தார். அவர் பேட்டியின்போது பெண்கள் முன்னேற்றம், இளைஞர்கள் மற்றும் தகவல் அறியும் உரிமை சட்டம் பற்றி அதிகம் பேசினார்.

இந்நிலையில் அவரது பேட்டி குறித்து ட்விட்டரில் நடக்கும் கூத்தை கொஞ்சம் படித்து சிரியுங்கள்.

சவகுழி

ஒவ்வொரு முறையும் காங்கிரஸ் நரேந்திர மோடிக்கு சவகுழி தோண்டினால் அதில் ராகுல் காந்தி வந்து குதித்துவிடுகிறார்.

அப்பாவி

தன் அப்பாவி குழந்தைக்கு மீண்டும் இப்படி ஒரு அநியாயம் நடக்காமல் இருக்க தனியார் டியூஷன் வாத்தியார்களை தேடிக் கொண்டிருக்கிறார் சோனியா.

பெண்கள் முன்னேற்றம்

கேள்வி: உங்களுடைய எதிர்கால திட்டம் என்ன?

பதில்: பெண்கள் முன்னேற்றம்

கேள்வி: முன்னேற்றம் என்ற வார்த்தையின் எழுத்துக்களை சொல்லுங்கள் பார்ப்போம்

பதில்: உம்ம்ம்ம்ம்ம்ம்ம்ம்

காமெடி

இது போன்று யாராலும் ஒரு மணிநேரத்தில் காமெடி செய்ய முடியாது என்று ராகுலின் பேட்டியை பார்த்த தன் தந்தை தெரிவித்ததாக ஒருவர் ட்வீட் செய்துள்ளார்.

மன்மோகன்

காங்கிரஸ் எப்பொழுதுமே சமன் செய்கிறது. பப்பு போன்று உளறுபவர் இருப்பதால் மன்மோகன் மௌனமாகத் தான் இருக்க வேண்டும்.

கோழியா, முட்டையா?

கேள்வி: முதலில் கோழி வந்ததா இல்லை முட்டை வந்ததா?

பதில்: நாங்கள் கோழி முன்னேற்றத்தில் கவனம் செலுத்தி முட்டையை தகவல் அறியும் உரிமை சட்டத்திற்கு அளிப்போம்.

அம்மா

என்ன கேள்வி கேட்டாலும் தகவல் அறியும் உரிமை சட்டம், பெண்கள் முன்னேற்றம் மற்றும் இளைஞர்கள் அரசியல் என்ற 3 வார்த்தைகளை நினைவு கூர்ந்து பதில் அளிக்குமாறு அம்மா அவருக்கு சொல்லிக் கொடுத்திருக்கிறார் போல்.