சாதி மாறி காதல்.. பழங்குடி பெண்ணை அரை நிர்வாண கோலத்தில் அடித்து உதைத்த ஊர் மக்கள்.. அதிர்ச்சி வீடியோ

இளம்பெண்ணை அடித்து உதைத்து இழுத்து சென்ற வீடியோ வைரல் ஆகி வருகிறது

போபால்: இளம்பெண்ணின் சேலையை உருவி அரை நிர்வாண கோலத்தில் அடித்து உதைக்கும் ஒரு வீடியோ காட்சி இணையத்தில் வைரலாகி வருகிறது.

மத்திய பிரதேசம் மாநிலம், அலிராஜ்பூர் பகுதியை சேர்ந்த பழங்குடி இனத்து இளம்பெண் அவர். வேறு சாதி இளைஞர் ஒருவரை காதலித்துள்ளார்.

வீட்டில் எப்படியும் தங்கள் காதலை ஏற்றுக் கொள்ள மாட்டார்கள் என்பதால், காதலர்கள் ஊரைவிட்டு சென்றதாக கூறப்படுகிறது. இதனால்தான் விஷயம் அறிந்த ஊர்மக்கள், அந்த பெண்ணை இழுத்து வந்து அடித்து உதைத்துள்ளனர்.

பெண்ணின் சேலையை உருவி அடித்தனர்.. அரை நிர்வாண கோலத்துடனேயே ஊருக்குள் ஊர்வலமாக அழைத்து வந்தனர். வெறும் பிளவுஸ், பாவாடை அணிந்தவாறு வழியெங்கும் குச்சியால் கண்மூடித்தனமாக அடித்து அழைத்து வருகிறார்கள்.

இது சம்பந்தமான வீடியோவும் வாட்ஸ்அப்பில் பரவி உள்ளது. ஊரே கூடி நின்று வேடிக்கை பார்த்தது. ஆனால் ஒருவரும் இதை பற்றி புகார் அளிக்க முன்வரவில்லை.

எனினும், இந்த சம்பவம் குறித்து போலீசார் தாமாக முன் வந்து வழக்கு பதிவு செய்துள்ளனர். அந்த பெண் யார் சம்பந்தப்பட்ட பிஹாலா சமூகத்தை சேர்ந்தவர் என்றும், இளைஞர் பீல் எனும் சமூகத்தை சேர்ந்தவர் என்றும் தெரியவந்துள்ளது.

ஆனால் தாக்கப்பட்ட பெண்ணின் முழு விவரம் தெரியவில்லை என்றும், இது சம்பந்தமான தொடர் விசாரணையை மேற்கொண்டு வருகிறோம் என்றும் போலீசார் தெரிவித்துள்ளனர்.

English summary

Young Tribal woman attacked by Village people due to caste affair in Madhyapradesh and this Video goes viral on socials