நியூயார்க்கில் 25 பேரில் ஒருவர் மில்லினியராம்!
நியூயார்க்: நியூயார்க் நகரில் 25ல் ஒருவர் கோடீஸ்வரராக இருப்பது புதிய ஆய்வில் கண்டுபிடிக்கப்பட்டுள்ளது.
உலக நகரங்களில் எங்கு கோடீஸ்வரர்கள் அதிகம் உள்ளனர் என்பது குறித்து ஸ்பியர் என்ற பத்திரிக்கை ஆய்வு நடத்தியது. அதன் ஆய்வு முடிவில் மொனாகோவில் தான் அதிக அளவில் அதிக கோடீஸ்வரர்கள் இருப்பது தெரிய வந்துள்ளது.
ஸ்பியர் பத்திரிக்கையின் ஆய்வு முடிவுகளை பார்ப்போம்.
நியூயார்க்
அமெரிக்காவின் நியூயார்க் நகரில் 25ல் ஒருவர் கோடீஸ்வரராக உள்ளார். நகரின் மக்கள் தொகையில் 4.63 சதவீதம் பேருக்கு 60 கோடிக்கும் மேல் சொத்துக்கள் உள்ளது. அதிக கோடீஸ்வரர்களை கொண்ட நான்காவது நகரம் தான் நியூயார்க் ஆகும்.
மொனாகோ
உலகிலேயே மேற்கு ஐரோப்பாவில் உள்ள மொனாகோ நகரில் தான் அதிக அளவில் கோடீஸ்வரர்கள் உள்ளார்கள். அங்கு வசிப்பவர்களில் 29 சதவீதம் பேர் கோடீஸ்வரர்கள் தான்.
ஜுரிச்
சுவிட்சர்லாந்தின் பெரிய நகரான ஜுரிச்சில் தான் மொனாகோவுக்கு அடுத்தபடியாக அதிக கோடீஸ்வரர்கள் உள்ளனர். ஜுரிச் வாசிகளில் 27 சதவீதம் பேர் கோடீஸ்வரர்கள் ஆவர்.
ஜெனிவா
சுவிட்சர்லாந்தில் உள்ள ஜெனிவா நகரில் தான் ஜுரிச்சை அடுத்த அதிக அளவில் கோடீஸ்வரர்கள் வசிக்கிறார்கள். அந்த நகரின் மக்கள் தொகையில் 18 சதவீதம் பேர் கோடீஸ்வரர்கள்.
பெரும் பணக்காரர்கள்
உலகிலேயே நியூயார்க் நகரில் தான் அதிக அளவில் பெரும் பணக்காரர்கள் வசிக்கிறார்கள் என்று வெல்த் இன்சைட் என்ற நிறுவனம் தெரிவித்துள்ளது.