60 ஆண்டுகளுக்குப்பிறகு பேரக் குழந்தைகளுடன் முதல் காதலனை திருமணம் செய்யும் 79 வயது பாட்டி!

லண்டனில் 60 ஆண்டுகளுக்குப் பிறகு மூதாட்டி ஒருவர் தனது முதல் காதலனை திருமணம் செய்யவுள்ள சம்பவம் வியப்பை ஏற்படுத்தியுள்ளது.

Updated: Tuesday, August 21, 2018, 8:23 [IST]

Subscribe to Oneindia Tamil

லண்டன்: 60 ஆண்டுகளுக்குப் பிறகு மூதாட்டி ஒருவர் தனது முதல் காதலனை திருமணம் செய்யவுள்ள சம்பவம் வியப்பை ஏற்படுத்தியுள்ளது.

லண்டனை சேர்ந்த ரான் ஓவன். இந்த தாத்தாவுக்கு தற்போது வயது 84. ரூத் ஹோல்ட் என்ற 79 வயது பாட்டி இவரும் லண்டனை சேர்ந்தவர்.

இவர்கள் இருவரும் 1950 ஆம் ஆண்டு ஒரே அலுவலகத்தில் பணியாற்றினர். அப்போது இருவரும் ஒருவரை காதலித்துள்ளனர்.

பிரிந்த காதலர்கள்

சில ஆண்டுகள் டேட்டிங் சென்ற இவர்கள் அதன் பிறகு, தங்கள் பணிநிமித்தமாக பிரிந்து செல்ல வேண்டிய நிலைக்கு ஆளானார்கள்.

இசை மீது ஆர்வம்

ஏனெனில், ரான் ஓவனுக்கு இசை மீது அதிக ஆர்வம் கொண்ட காரணத்தால் அலுவலகத்தில் இருந்து விலகி, பாடகராகும் முயற்சியில் ஈடுபடத்தொடங்கினார். அந்த முயற்சியின் மூலம் பல்வேறு நிகழ்ச்சிகளிலும் பாடும் வாய்ப்பையும் பெற்றார்.

4பேரக் குழந்தைகள்

ரூத் ஹோல்டும் வேறு ஒரு நபரை திருமணம் செய்து கொண்டு சவுதி அரேபியாவுக்கு சென்றுவிட்டார். இவருக்கு தற்போது 4 பேரக்குழந்தைகள் உள்ளனர்.

மறக்க முடியாத முதல் காதல்

சில ஆண்டுகள் கழித்து தனது கணவரை விவாகரத்து செய்த இவர், தனது பேரக்குழந்தைகளுடன் வசித்து வந்தார். என்னதான் திருமண வாழ்க்கையில் இணைந்தாலும், ரூத் ஹோல்டுக்கு தனது முதல் காதலை மறக்க முடியவில்லை.

காதலனின் இசை நிகழ்ச்சி

இனி முதல் காதலனை பார்க்க முடியுமா என ஏங்கியுள்ளார் ரூத் ஹோல்டு. இந்நிலையில் தான் ஜூலை மாதம் லங்காஷயரில் நடைபெற்ற நிகழ்ச்சியில், ரான் ஓவன் இசை கச்சேரி நடத்தியுள்ளார்.

ஞாபகபடுத்திக்கொண்ட காதலர்கள்

தனது முன்னாள் காதலனை பார்த்ததும், தனது வாழ்நாள் சந்தோஷத்தை அடைந்துள்ளார். இருவரும் ஒருவருக்கொருவர் அடையாளம்கண்டு தங்களை பற்றி ஞாபகபடுத்தி கொண்டனர்.

செப்டம்பரில் திருமணம்

இருவருக்குள்ளும் இருந்த பழைய காதல் மீண்டும் மலர்ந்துள்ளது. இதனைத்தொடர்ந்து இரண்டு முறை சந்தித்துக்கொண்ட இவர்கள் வரும் செப்டம்பர் மாதம் நண்பர்கள் முன்னிலையில் திருமணம் செய்துகொள்ளவுள்ளனர்.