கித்னா அச்சா ஹே மோடி.. ஆஸ்திரேலிய பிரதமர் அசத்தல்!

டோக்கியோ: நீண்ட நாட்களுக்கு பிறகு, நண்பரை சந்தித்தால் செல்ஃபி எடுத்து சோஷியல் மீடியாவில் போடுவோமே, அதுபோல, இந்திய பிரதமர் நரேந்திர மோடியும், ஆஸ்திரேலிய பிரதமர் ஸ்கோட் மொர்ரிசன் ஒரு சூப்பர் செல்ஃபி எடுத்துப் போட்டுள்ளனர்.

ஜப்பானில் நடைபெறும் ஜி20 மாநாட்டில் பங்கேற்க சென்ற நிலையில்தான், இவ்விருவரும் இப்படி ஒரு கூல் செல்ஃபி எடுத்துள்ளனர். அதிலும், ஆஸ்திரேலிய பிரதமர் தனது டிவிட்டர் பக்கத்தில் இந்த போட்டோவை போட்டு, கூறிய கேப்ஷன் வேறு ரகம்.

ஆம், "கித்னா அச்சா ஹே மோடி!" அதாவது, எவ்வளவு இனிமையானவர் மோடி என்று ஹிந்தி வார்த்தையை ஆங்கிலத்தில் டைப் செய்து ட்வீட் செய்துள்ளார் ஆஸி. பிரதமர்.

இன்றைய தினம், ஆஸி. பிரதமர் தவிர்த்து, இந்தோனேஷியா மற்றும் பிரேசில் நாட்டு அதிபர்களையும், தனித்தனியாக சந்தித்து ஆலோசனை நடத்தியிருந்தார் மோடி.

Kithana acha he Modi! #G20OsakaSummit pic.twitter.com/BC6DyuX4lf

— Scott Morrison (@ScottMorrisonMP) June 28, 2019

இந்தோனேஷியா அதிபர் ஜோகோ விடோடோ மற்றும் மோடி இருவரும் இரு நாட்டு உறவுகள் குறித்து ஆலோசனை நடத்தியதாகவும், கடல் பாதுகாப்பு விவகாரங்கள் தொடர்பாக ஆலோசித்ததாகவும் தெரிவிக்கப்பட்டுள்ளது. பிரேசில் அதிபர் ஜெய்யர் போல்சோனாரோவையும், மோடி சந்தித்து இன்று ஆலோசனை நடத்தியுள்ளார்.

நேற்றும் மோடி, அமெரிக்க அதிபர் ட்ரம்ப் உட்பட பல நாட்டு தலைவர்களை சந்தித்து, பேச்சுவார்த்தை நடத்தியிருந்தார் என்பது குறிப்பிடத்தக்கது.

English summary

Australian Prime Minister Scott Morrison met Prime Minister Narendra Modi at the sidelines of the G20 Summit in Japan and took a selfie to mark the meeting.